25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Իրավապահները վաղ առավոտից խուզարկություն են իրականացնում Ազգային-ժողովրդավարական Բևեռի աջակիցների բնակարաններում
Հասարակություն
25.03.2024 | 14:12
Իրավապահները վաղ առավոտից խուզարկություն են իրականացնում Ազգային-ժողովրդավարական Բևեռի աջակիցների բնակարաններում: Այս մասին տեղեկություն է հրապարակվել ԱԺԲ-ի ֆեյսբուքյան էջում։ Նշենք, որ խուզարկությունները կապված են երեկ Ոստիկանության Նոր Նորքի բաժնում տեղի ունեցած դեպքի առիթով նախաձեռնված քրեական վարույթի հետ։
Հիշեցնենք՝ ՆԳՆ-ի հաղորդմամբ երեկ, ժամը 17։00-ի սահմաններում, 3 քաղաքացի զինված փորձել են ներխուժել ՆԳՆ ոստիկանության Նոր Նորքի բաժնի վարչական շենք, գործադրել են նռնակ, ինչի հետևանքով ներխուժող անձանցից 2-ը վիրավորվել են և տեղափոխվել բուժհաստատություն։
Քննչական կոմիտեն էլ դեպքի վերաբերյալ հաղորդագրություն է տարածել՝ հայտնելով, որ ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում նախաձեռնվել է քրեական վարույթ ՀՀ քրեական օրենսգրքի 308-րդ հոդվածի 1-ին մասի (ահաբեկչություն) հատկանիշներով։
ՔԿ-ի հաղորդմամբ Ոստիկանության շենք ներխուժած անձանցից երկուսը Ոստիկանության բաժնում տեղի ունեցած պայթյունի հետևանքով ստացած բեկորային վնասվածքներով տեղափոխվել են բուժհաստատություն, իսկ մյուսը, որին ԱԱԾ ծառայողները վնասազերծել են, ձերբակալվել է հանցանքն առերևույթ կատարելու մեջ անմիջականորեն ծագած հիմնավոր կասկածի հիմքով;
