07.10.2026 | 15:18
Ահազանգ. «Գուստավ» ռեստորանի մենեջերը թաքնված տեսախցի՞կ է տեղադրել աղջիկների զուգարանում
ՀՀ-ում տուբերկուլոզից մահացության ցուցանիշը նախորդ տարվա համեմատ նվազել է 14%-ով․ ԱՆ
24.03.2024 | 15:26
Այսօր տուբերկուլոզի դեմ պայքարի համաշխարհային օրն է: Այս առթիվ ՀՀ առողջապահության նախարարությունը ևս մեկ անգամ հիշեցրել է, որ տուբերկուլոզի բուժումը և հայտնաբերումը մեր երկրում անվճար է` իրականցվում է պետական պատվերի շրջանակներում և ներկայացրել որոշ տվյալներ։
Տուբերկուլոզի հակազդման 2021-2025թթ. ազգային ծրագրի շրջանակներում իրականացված միջոցառումների արդյունքում` 2023թ.` հիվանդացության ցուցանիշը 13.5 է` 100 հազար բնակչի հաշվով, 2015թ. համեմատ նվազել է 63%-ով։
Մահացության ցուցանիշը կազմել է 1.0, նախորդ տարվա համեմատ նվազել է 14%-ով:
«Չնայած այս ցուցանիշներին` հատկապես բազմադեղակայուն տուբերկուլոզի տարածվածության կանխարգելման, բուժման արդյունավետության բարձրացման, խարանի նվազեցման առումով դեռևս անելիքներ կան:
ՏԲ-ն կանխարգելելի և բուժելի հիվանդություն է, բայց մնում է հանրային առողջապահական գերակա խնդիրներից մեկը»,- նշել են նախարարությունից:
