20.02.2026 | 10:53
Խուզարկություններ՝ Արմավիրի մարզի շուրջ 20 հասցեներում
Հրդեհի բռնկմամբ վթար՝ Սիսիան-Գորիս ճանապարհին. այրված ավտոմեքենայում հայտնաբերվել է 4 մարմին․ ԼՈՒՍԱՆԿԱՐՆԵՐ
19.03.2024 | 09:36
Մարտի 19-ին, ժամը 05:40-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սիսիանի օդանավակայանի խաչմերուկի մոտակայքում այրվում է ավտոմեքենա. ներսում կա քաղաքացի․ տեղեկացում են ՆԳՆ ՓԾ-ից։
Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը և մեկ մարտական հաշվարկ:
Պարզվել է, որ Սիսիան-Գորիս ավտոճանապարհի 8-րդ կմ-ին բախվել են «Opel» (վարորդ՝ Պ. Բ.) և «VAZ» (վարոդ՝ Կ. Գ. ծնված 1986 թ.) մակնիշների ավտոմեքենաները, ինչի հետևանքով «VAZ» մակնիշի ավտոմեքենայում հրդեհ է բռնկվել:
Կ.Գ.-ն հոսպիտալացվել է բժշկական կենտրոն, որտեղ բժիշկները տուժածի առողջական վիճակը գնահատել են ծանր:
Հրդեհը մեկուսացվել է ժամը 06:06-ին, մարվել՝ 06:30-ին: Այրվել է ավտոմեքենան:
Փրկարարները «VAZ» մակնիշի ավտոմեքենայում հայտնաբերել են Հ. Հ.-ի (ծնված 1966 թ.), Ս. Հ.-ի (ծնված 1989 թ.), Ս. Գ.-ի (ծնված 2013 թ.) և Ն. Բ.-ի (ծնված 1967 թ.) դիերը:
