27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Միշուստինը հանձնարարել է հետևել Ադրբեջանի հետ պայմանավորվածությունների կատարմանը
Քաղաքականություն
11.03.2024 | 22:56
ՌԴ վարչապետ Միխայիլ Միշուստինը հանձնարարել է փոխվարչապետերին ուշադիր հետևել, թե ինչպես են իրականացվում Մոսկվայի և Բաքվի միջև պայմանավորվածությունները, փոխանցում է ՏԱՍՍ-ը։
«Ձեր վերահսկողության տակ գտնվող ոլորտներում ուշադիր հետևեք, թե ինչպես են իրականացվում մեր ադրբեջանցի գործընկերների հետ ձեռք բերված պայմանավորվածությունները»,- ասել է Միշուստինն իր տեղակալներին։
Հիշեցնենք, որ նախորդ շաբաթ Միշուստինն այցով Բաքվում էր, որի ընթացքում հանդիպել էր Ադրբեջանի նախագահ Իլհամ Ալիևին ու վարչապետ Ալի Ասադովին։ Քննարկվել են էներգետիկայի, արդյունաբերության, տրանսպորտային ենթակառուցվածքների, գյուղատնտեսության և դեղագործության ոլորտներում համագործակցության ամրապնդման հարցեր։
Կողմերը պայմանավորվել են ակտիվացնել համատեղ նախագծերի ուղղությամբ աշխատանքները և ստեղծել առավել բարենպաստ պայմաններ փոխադարձ ներդրումներ ներգրավելու համար։ Առանձնահատուկ ուշադրություն էր դարձվել Ադրբեջանի տարածքով անցնող Հյուսիս-Հարավ միջազգային տրանսպորտային միջանցքի զարգացմանը։
