Քաղաքականություն
10.03.2024 | 11:00
Իսրայելը հավատարիմ է պատերազմի օրենքներին և չի պատրաստվում ընդունել Էրդողանի բարոյական քարոզները․ այս մասին X-ի իր էջում գրել է Իսրայելի վարչապետ Բենիամին Նեթանյահուն։
«Իսրայելը հավատարիմ է պատերազմի օրենքներին և բարոյական քարոզ չի ընդունի Էրդողանից, ով աջակցում է ՀԱՄԱՍ ահաբեկչական կազմակերպության մարդասպաններին և բռնարարներին, ժխտում Հայոց ցեղասպանությունը և իր երկրում կոտորում քրդերին»,- գրել է Նեթանյահուն։
Հիշեցնենք, որ Էրդողանը վստահություն էր հայտնել, որ Նեթանյահուն չի կարողանա խուսափել պատժից Գազայի հատվածում իր գործողությունների համար։
Նա նաև սպառնացել էր՝ Իսրայելը թանկ կվճարի, եթե Թուրքիայում թիրախավորի ՀԱՄԱՍ-ի անդամներին։
