23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՀԱՄԱՍ-ը մերժել է զինադադարի առաջարկը
Քաղաքականություն
06.03.2024 | 15:26
ՀԱՄԱՍ-ը մերժել է զինադադարի առաջարկը. խմբավորման ղեկավարությունը չի ընդունել Գազայում պատանդների ազատ արձակման դիմաց 6-շաբաթյա հրադադարի ծրագիրը, գրում է Euronews-ը։
Մամուլի համար արված հայտարարության մեջ խմբավորման պաշտոնյաները վկայակոչել են Իսրայելի մերժումը՝ կատարել ՀԱՄԱՍ-ի պահանջները մշտական հրադադարի, Գազայի հատվածից զորքերի դուրսբերման, տեղահանված բնակիչների վերադարձի և բնակչությանն առաջին անհրաժեշտության պարագաների ապահովման վերաբերյալ։
Միաժամանակ, ՀԱՄԱՍ-ը նշել է, որ կշարունակի բանակցությունները միջնորդների հետ։
Ակնկալվում էր համաձայնության գալ զինադադարի շուրջ մինչև մահմեդականների համար սուրբ Ռամադան ամսվա սկիզբը, որի ընթացքում ավելի հաճախակի են դառնում պաղեստինա-իսրայելական բախումները՝ կապված Երուսաղեմի սրբավայրեր մուտք գործելու հետ:
Միևնույն ժամանակ, Թուրքիայի նախագահ Ռեջեփ Թայիփ Էրդողանը, որը հյուրընկալում է իր պաղեստինցի գործընկեր Մահմուդ Աբասին, նախազգուշացրել է Իսրայելին՝ զերծ մնալԵրուսաղեմի սուրբ վայրեր մուսուլմանների մուտքը սահմանափակելու փորձերից:
