25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
ՀՀ սահմանը հատած ադրբեջանցի զինծառայողը փոխանցվել է Բաքվին
Քաղաքականություն
05.03.2024 | 15:37
Փետրվարի 28-ին սահմանը հատած և Հայաստանի տարածք անցած ադրբեջանական բանակի զինծառայող Ռուսլան Փենախովը վերադարձվել է Բաքվին, գրում են ադրբեջանական լրատվամիջոցները։
Հաղորդվում է, որ նրան Բաքու տեղափոխած ինքնաթիռը վայրէջք է կատարել Հեյդար Ալիևի անվան օդանավակայանում։
Նախօրեին ՀՀ ԱԱԾ-ն հայտնել էր, որ որպես բարի կամքի դրսևորում և ի կատարումն Հայաստանի Հանրապետության և Ադրբեջանական Հանրապետության միջև բարձրագույն մակարդակում ձեռք բերված պայմանավորվածության, որ երկու կողմերի մոլորված և հակառակ կողմում հայտնված զինծառայողները սեղմ ժամկետներում պետք է վերադարձվեն, Հայաստանի Հանրապետությունը որոշում է կայացրել Ռուսլան Էլդանիս-Օղլու Փենախովին հանձնել ադրբեջանական կողմին։
