01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Պուտինը սպառնացել է «ողբերգական հետևանքներով», եթե Ուկրաինա ռազմական կոնտինգենտ ուղարկվի
Քաղաքականություն
29.02.2024 | 14:51
Ուկրաինա ՆԱՏՕ-ի զորքեր ուղարկելու հետևանքները ողբերգական կլինեն, հայտարարել է ՌԴ նախագահ Վլադիմիր Պուտինը՝ հարևան երկրի տարածքում օտարերկրյա զինվորականներին անվանելով «հնարավոր զավթիչներ», փոխանցում է BBC-ի ռուսական ծառայությունը։
«Սկսել են խոսել Ուկրաինա ՆԱՏՕ-ի ռազմական կոնտինգենտ ուղարկելու հնարավորության մասին։ Մենք հիշում ենք նրանց ճակատագիրը, ովքեր ժամանակին իրենց զորակազմն ուղարկեցին մեր երկրի տարածք։ Այժմ հնարավոր զավթիչների համար հետևանքները շատ ավելի ողբերգական կլինեն»,- ասել է Պուտինը՝ ամենամյա ուղերձով դիմելով Ռուսաստանի Դաշնության Դաշնային ժողովին։
Պուտինը, ըստ ամենայնի, նկատի ուներ Ֆրանսիայի նախագահ Էմանուել Մակրոնի հայտարարությունը, որն այս շաբաթ Փարիզում եվրոպացի առաջնորդների հանդիպումից հետո հայտարարել էր Ուկրաինային աջակցելու նոր քայլերի մասին՝ նշելով, թե պատերազմում Ռուսաստանի նկատմամբ հաղթանակի հասնելու համար չի բացառվում արևմտյան ցամաքային ուժերի ուղարկում Ուկրաինա։
Ավելի ուշ Ֆրանսիայի արտգործնախարար Ստեֆան Սեժուրնեն պարզաբանել է, որ արևմտյան երկրները կարող են զորքեր ուղարկել Ուկրաինա՝ չհատելով «պատերազմի շեմը»։
