11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
«Խոպանչիները» փակել են Երևան-Մարտունի ճանապարհը
Հասարակություն
21.02.2024 | 12:35
Գեղարքունիքի մարզում բնակիչները փակել են Երևան-Մարտունի ճանապարհը։ Նրանք բողոքում են ՊԵԿ-ի օրենսդրական փոփոխությունների դեմ, ըստ որի՝ այլ պետություններում արտագնա աշխատանքի մեկնողները Հայաստանում պետք է հարկվեն։
2018 թ. ԱՊՀ երկրները հարկային տեղեկություններ փոխանակելու մասին համաձայնագիր են կնքել Աստանայում։ ՀՀ-ն այն վավերացրել է 2020 թ. փետրվարին։
Ըստ այդ համաձայնագրի` եթե ՀՀ քաղաքացին ՌԴ–ում գտնվել և աշխատել է 183 և ավելի օր, դառնում է այդ երկրի ռեզիդենտ ու կատարած աշխատանքի շահույթից վճարում 13 տոկոս եկամտահարկ։
Իսկ ՀՀ–ում եկամտահարկն ավելի բարձր է, քան 13 տոկոսը (2022 թ. համար այն 21 տոկոս է եղել), նվազագույն եկամուտների դրական տարբերությունը կազմում է 8 տոկոսի չափով ու այն հաշվարկվում է որպես չվճարված հարկ։
Եթե արտագնա աշխատանքի մեկնողը 183 օրից պակաս է գտնվել ՌԴ–ում, նա այլևս այդ երկրի ռեզիդենտ չէ և վճարում է 30 տոկոս եկամտահարկ ու, հետևաբար, ՀՀ–ում ազատվում հարկերից։
