19.12.2025 | 15:10
Բրյուսելում ֆերմերները տրակտորներով փակել են ճանապարհները, ոստիկանների հետ բախումներ են գրանցվել. ՏԵՍԱՆՅՈՒԹ
«Նուբարաշեն» ՔԿՀ-ում ծառայողների կողմից հայտնաբերվել են հանձնուքի մեջ հնարամտորեն թաքցված, կանեփի յուղին նմանվող զանգվածներ
Հասարակություն
21.02.2024 | 11:55
Սույն թվականի փետրվարի 19-ին՝ ժամը 16։55-ի սահմաններում, Հայաստանի Հանրապետության արդարադատության նախարարության «Նուբարաշեն» քրեակատարողական հիմնարկի անվտանգության ապահովման բաժնի ծառայողները, իրացնելով նույն բաժնում ստացված տեղեկությունները, Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնի ծառայողների հետ համատեղ զննության են ենթարկել քաղաքացի Ս․Հ․-ի կողմից դատապարտյալ Վ․Ա․-ի անվամբ բերված հանձնուքը․ տեղեկացնում են ՔԿՀ-ից։
Մանրակրկիտ զննելով հանձնուքի պարունակությունը՝ ծառայողները հանձնուքում առկա խմորեղենի պլաստմասե երկու տարաների մեջ նկատել են փայլաթիթեղների տակ թաքցված, կանեփի յուղին նմանվող, ծորուն զանգվածներ։
Քաղաքացի Ս․Հ․-ն ձերբակալվել է օպերատիվ ծառայողների կողմից և ներկայացվել ՀՀ ՔԿ Երևան քաղաքի Էրեբունի և Նուբարաշեն վարչական շրջանների քննչական բաժին։
Ձեռնարկվել են միջոցառումներ դեպքի ամբողջական հանգամանքները պարզելու ուղղությամբ։
