11.12.2025 | 20:30
«Հարսնաքար»-ը, Գասպարյանի առանձնատունը, Միքայելյանի տնակը․ Սևանի ափի որ գույքերը կքանդի պետությունը․ ՏԵՍԱՆՅՈւԹ
Ալիևը հայտարարել է, որ «թուրք-ադրբեջանական միասնությունը կարևոր գործոն է ոչ միայն տարածաշրջանի, այլև Եվրասիայի համար»
Քաղաքականություն
19.02.2024 | 21:17
Այսօր թուրք-ադրբեջանական միասնությունը կարևոր գործոն է դարձել ոչ միայն տարածաշրջանի, այլև Եվրասիայի համար, հայտարարել է Ադրբեջանի նախագահ Իլհամ Ալիևը Անկարայում Թուրքիայի նախագահ Ռեջեփ Թայիփ Էրդողանի հետ բանակցություններից հետո։
Ալիևն ասել է, որ ինչպես միշտ, այս անգամ էլ նախագահական ընտրություններից հետո իր առաջին պաշտոնական այցը կատարել է «եղբայրական Թուրքիա»: Ըստ Ադրբեջանի նախագահի՝ Ղարաբաղյան երկրորդ պատերազմը և 2023-ի սեպտեմբերի ռազմական գործողությունները ցույց են տվել, որ «Ադրբեջանում արդեն արմատավորվել է թուրքական բանակի ռազմական մոդելը»։
«Այսօր, իհարկե, նոր հնարավորություններ են բացվել պաշտպանական արդյունաբերության ոլորտում։ Այս մասին էլ մանրամասն քննարկումներ են ծավալվել։ Մենք համատեղ արտադրության հետ կապված ծրագրեր ունենք»,-նշել է Ալիևը։
Նա նաև հայտնել է, որ Բաքուն պատրաստվում է Շուշիում հուլիսին անցկացնել Թուրքական պետությունների կազմակերպության ոչ պաշտոնական գագաթնաժողովը։
