24.04.2026 | 23:32
Կապանում ջրանջատում կլինի
Դատախազությունը պահանջում է Հայկ Ճշմարիտյանից հօգուտ ՀՀ-ի բռնագանձել 15 միլիարդ դրամը գերազանցող գումար
Հասարակություն
19.02.2024 | 11:43
Հակակոռուպցիոն դատարանը 2024 թվականի փետրվարի 15-ին վարույթ է ընդունել ապօրինի ծագում ունեցող գույքի բռնագանձման վերաբերյալ 99-րդ հայցադիմումը․ տեղեկացնում են ՀՀ գլխավոր դատախազությունից։
Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ տրանսպորտի և կապի նախարարի նախկին տեղակալ Հայկ Ճշմարիտյանից և նրան փոխկապակցված անձանցից հօգուտ Հայաստանի Հանրապետության բռնագանձել՝
– 7 անշարժ գույք.
– 1 տրանսպորտային միջոց.
– 2 իրավաբանական անձանցում մասնակցություն.
– 5 մլրդ 767 մլն 369 հազար դրամ՝ որպես գույք, որը փոխանցվել է բարեխիղճ ձեռքբերողի, կամ այն անհնար է նույնականացնել, առանձնացնել կամ բռնագանձել.
– 10 մլրդ 70 մլն 529 հազար դրամ՝ որպես ստացված ապօրինի եկամուտների և միջոցների մնացորդ:
