14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Կուրսկի շրջանում ԱԹՍ-ն հարվածել է նավթի պահեստին
15.02.2024 | 13:15
ՌԴ-ի Կուրսկի շրջանում անօդաչու թռչող սարքի հարվածի հետևանքով նավթային պահեստում հրդեհ է բռնկվել։ Այս մասին հայտնել է շրջանի նահանգապետ Ռոման Ստարովոյտը տելեգրամի իր ալիքում, փոխանցում է DW-ի ռուսական ծառայությունը։
«Նախնական տեղեկատվությամբ՝ տուժածներ չկա։ Բոլոր հատուկ ծառայությունները ներկայում աշխատում են տեղում։ Խնդրում եմ պահպանել հանգստություն»,- գրել է նա։
Մինչդեռ Baza տելեգրամ-ալիքը նշում է, որ իր տեղեկություններով՝ նավթի պահեստում այրվում է 100 տոննա ծավալով պահուստարան։ Իր հերթին, «Осторожно, новости» տելեգրամ-ալիքը տեղի բնակիչներին հղումով գրել է, որ խոշոր հրդեհ է բռնկվել Կուրսկի շրջանի Պոլևայա գյուղի տարածքում։
Ուկրաինա ՌԴ ներխուժումից ի վեր անօդաչուներով բազմիցս հարձակումներ են տեղի ունեցել Ռուսաստանի մի շարք շրջանների, այդ թվում՝ Բրյանսկի, Կուրսկի և Բելգորոդի շրջանների տարբեր թիրախների դեմ։
Ռուսական կողմն այդ հարձակումների պատասխանատվությունը դնում է Ուկրաինայի զինված ուժերի վրա։ Կիևը, որպես կանոն, դրանք չի մեկնաբանում։
