Քաղաքականություն
14.02.2024 | 19:41
Լեռնային Ղարաբաղի տարածքում ՌԴ խաղաղապահ զորակազմի աշխատանքների շարունակման վերաբերյալ ռուս-ադրբեջանական հաջորդ շփումների նախապատրաստական աշխատանքները շարունակվում են։ Ի թիվս այլ հարցերի՝ քննարկվում է Լեռնային Ղարաբաղ հայ բնակչության վերադարձի հարցը։ Այս մասին իր ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Քննարկված հարցերի թվում են հայ բնակչության՝ Ղարաբաղ վերադառնալու հեռանկարները՝ նրանց իրավունքների և անվտանգության պատշաճ ապահովմամբ, համատեղ պարեկային հսկողության կազմակերպումը, մշակութային, պատմական և կրոնական ժառանգության հուշարձանների պահպանությունը»,- ասել է նա։
