13.12.2025 | 15:42
Ռոնալդուն կնկարահանվի «Ֆորսաժ» ֆիլմում
Թուրքիա-ԵՄ հարաբերությունների սերտացումը կախված է կիպրական հարցից․ Կիպրոսի նախագահ
Քաղաքականություն
12.02.2024 | 21:47
Թուրքիայի ու Եվրամիության միջև հարաբերությունների սերտացումը կախված է Կիպրոսի՝ տասնամյակներ տևած խնդրի կարգավորմանը Թուրքիայի մասնակցությունից։ Այս մասին հայտարարել է Կիպրոսի նախագահը, գրում է Reuters-ը։
Թուրքիան տասնամյակներ շարունակ ԵՄ անդամության պաշտոնական թեկնածու է, սակայն անդամակցության բանակցությունները վերջին տարիներին կանգ են առել Թուրքիայում մարդու իրավունքների վերաբերյալ ԵՄ մտահոգությունների և օրենքի գերակայության նկատմամբ հարգանքի պատճառով:
Կիպրոսը բաժանվել է 1974 թվականին՝ թուրքական ներխուժման հետևանքով։
Կիպրոսի Հանրապետությունը (Կիպրոիս հունական հատվածը) ԵՄ-ին միացել է 2004 թվականին, մինչդեռ կղզու հյուսիսային կեսն ինքնահռչակ պետություն է, որը ճանաչվել է միայն Անկարայի կողմից։
«Կիպրոսը ԵՄ-ի ու Անկարայի միջև հարաբերությունների սերտ աջակիցն է։ Նման ավելի սերտ հարաբերություններն անցնում են զարգացումների և Կիպրոսի խնդրի լուծման միջոցով»,- Նիկոսիայում Գերմանիայի նախագահ Ֆրանկ-Վալտեր Շտայնմայերի հետ հանդիպումից հետո լրագրողներին ասել է Կիպրոսի նախագահ Նիկոս Խրիստոդուլիդեսը:
Շտայնմայերն էլ ասել է, որ Թուրքիայի գործողությունները Կիպրոսի նկատմամբ պետք է հաշվի առնեն ԵՄ-ի հետ նրա ընդհանուր հարաբերությունները գնահատելիս։
«Անդամ երկրները պետք է այս ուղերձը հղեն Թուրքիային»,- ասել է Գերմանիայի նախագահը։
Նշենք, որ Կիպրոսի հույների և թուրքերի միջև երկարատև հակամարտությունը լուծելու համար խաղաղ բանակցությունները տապալվել են 2017 թվականին։
Էմմա Չոբանյան
