07.11.2026 | 12:26
Ռուսաստանում հրթիռակոծվել է «Իսկանդեր» հրթիռների համար սարքավորումներ արտադրող գործարանը․ խոշոր հրդեհ է բռնկվել
Կիմ Չեն Ընը խոստացել է «անհրաժեշտության դեպքում գրավել» Հարավային Կորեան
Քաղաքականություն
09.02.2024 | 23:05
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Հյուսիսային Կորեայի առաջնորդ Կիմ Չեն Ընը հայտարարել է, որ Փհենանը Հարավային Կորեան համարում է իր մշտական գլխավոր թշնամին։ Նա խոստացել է, որ ԿԺԴՀ-ն կգրավի հարևան հանրապետության տարածքը սեփական անվտանգությունը պահանջող արտակարգ իրավիճակների դեպքում, գրում է Կոմերասանտը։
«Հարավային Կորեայի խամաճիկներին որպես մեր երկրի ամենավնասակար և միշտ գլխավոր թշնամի ճանաչելն ու արտակարգ իրավիճակների դեպքում նրանց տարածքը գրավելու որոշումը՝ որպես ազգային քաղաքականություն, ողջամիտ միջոց է ապագայում մեր երկրի հավերժական անվտանգության, խաղաղության և կայունության համար»,- ասել է Կիմ Չեն Ընը Կորեայի ժողովրդական բանակի հիմնադրման 76-րդ տարեդարձի կապակցությամբ, փոխանցում է Կորեայի կենտրոնական լրատվական գործակալությունը։
Անցյալ տարի Կիմ Չեն Ընն ասել էր, որ Կորեայի Աշխատավորական կուսակցությունն այլևս չի հավատում Կորեական թերակղզու խաղաղ միավորմանը։ Նա ասել է, որ ԿԺԴՀ-ն և Հարավային Կորեան դարձել են միմյանց նկատմամբ թշնամական պետություններ։ Հունվարին էլ նա առաջարկել է սահմանադրորեն ապահովել Հարավային Կորեայի՝ որպես գլխավոր թշնամու կարգավիճակը և կոչ արել հրաժարվել հարավկորեացիների համար «հայրենակիցներ» տերմինի կիրառումից։
