12.08.2026 | 13:37
Նախագահը Մասիս Մելքոնյանին դատավոր նշանակելու հրամանագիրը չէր ստորագրել, բայց դա ձեզ հետաքրքիր չի. Վարդևանյան․ ՏԵՍԱՆՅՈՒԹ
Կիևի մերձակայքում մեկնարկել է Bayraktar-ի գործարանի կառուցումը
Քաղաքականություն
07.02.2024 | 11:31
Թուրքական ավիաշինական Baykar ընկերությունը Կիևի մերձակայքում սկսել է գործարանի կառուցումը, որտեղ կարտադրվեն Bayraktar TB2 կամ TB3 անօդաչու սարքերը։ Այս մասին երեքշաբթի՝ փետրվարի 6-ին, հայտնել է Reuters-ը՝ վկայակոչելով ընկերության գործադիր տնօրեն Հալուք Բայրաքթարին։
«Մեր գործարանը կառուցվում է… մեզ մոտ 12 ամիս է անհրաժեշտ շինարարությունն ավարտելու համար, այնուհետև մենք կանցնենք ներքին սարքավորումներին և կազմակերպչական կառուցվածքին», – ասել է Բայրաքթարը Reuters-ին Սաուդյան Արաբիայում World Defense Show-ի ընթացքում տված հարցազրույցում։ Ըստ «Baykar-ի» ղեկավարի, գործարանում աշխատելու է շուրջ 500 մարդ և տարեկան արտադրելու է մինչև 120 անօդաչու թռչող սարք:
Baykar-ի գործադիր տնօրենին նաև հարցրել են Ուկրաինայի դեմ Ռուսաստանի պատերազմի ֆոնին գործադրանի անվտանգության ապահովման խնդիրներից: Բայրաքթարը պատասխանել է, որ ծրագրերը «լիովին առաջ են գնում», և «ոչինչ» չի կարող կանգնեցնել նրանց։
2022-ին Baykar-ն առաջին անգամ ընդգրկվեց զենքի եվրոպական արտադրողների լավագույն 100-յակ։ Ընկերությունը հայտնել է, որ TB2 անօդաչու թռչող սարքի արտահանման պայմանագրեր է կնքել 30 երկրների հետ։ Ստոկհոլմի Խաղաղության հետազոտությունների միջազգային ինստիտուտի (SIPRI) տվյալներով դրանց թվում են Ուկրաինան, Եթովպիան, Լիբիան և Ադրբեջանը:
