24.11.2024 | 12:41
Օտարերկրյա ԶԼՄ-ներում շարունակում են զետեղվել սպառազինության ձեռքբերման մասին կեղծ հրապարակումներ․ ՊՆ
«Զինծառայողների ապահովագրության հիմնադրամ»-ը լրացուցիչ 6 մլրդ դրամի պարտավորություն է ստանձնում
Հասարակություն
09.08.2018 | 17:13
«Զինծառայողների ապահովագրության հիմնադրամ»-ն իր շահառուների գումարները կփոխանցի՝ անկախ նրանց բնակության վայրից։
«Մեր գործընկեր բանկերի հետ պայմանագրերն այնպիսին են, որ եթե շահառուն հաշմանդամություն ունի, թոշակառու է, հեռավոր վայրում է ապրում, ապա բանկն ինքն է տանում գումարն ամեն ամիս հասցնում: Բանկը չի պարտավորեցնում, որ շահառուն գա հասնի բանկի մասնաճյուղ: Դրա համար էլ մենք ընտրել ենք այնպիսի բանկեր, որոնք ունեն մասնաճյուղային լայն ցանց: Ես ձեզ վստահեցնում եմ՝ բոլորն, անկախ իրենց բնակավայրից, հիմնադրամի գումարները կստանան»։ Այս մասին այսօր հոգաբարձուների խորհրդի նիստի ժամանակ ասաց հիմնադրամի տնօրեն Վարուժան Ավետիքյանը։
Վերջինս նշեց, որ հիմնադրամը 2015 թվականի դեպքերի գծով կվճարի 93 մլն դրամ, իսկ 2016 թվականի համար հատուցվող գումարի չափը կհասնի 206 մլն դրամի։
«Սրանք տարեկան կտրվածքով վճարվելիք գումարի չափերն են, որոնք 20 տարվա ընթացքում կհասնեն ավելի քան 6 մլրդ դրամի։ Այսինքն, լրացուցիչ 6 մլրդ դրամի պարտավորություն է ստանձնում հիմնդրամը»,-ասաց Հակոբ Ավետիքյանը՝ նշելով, որ 2015 և 2016 թվականների դեպքերի համար վճարումները կկատարեն այն օրվանից, երբ համապատասխան որոշումը նախարարությունից կստանան։
