28.04.2026 | 21:00
ԲԱՆԱՎԵՃ․ Հիբրիդային հարձակումներ, միջամտություն ՀՀ-ի ներքաղաքական կյանքին․ ինչպե՞ս պայքարել
Եթե ԱԺ նախագահի կնոջ ղեկավարած հեռուստաընկերությունը 23,5 մլն պարտքը չմարի, ՀՌՀ-ն կկասեցնի լիցենզիան
06.02.2024 | 13:16
Երեկ դադարեցվել է ԱԺ նախագահ Ալեն Սիմոնյանի կնոջ՝ Մարիամ Մարգարյանի ղեկավարած «Ֆրինյուզ» հեռուստաընկերության հեռարձակումը։ Եթե սահմանված ժամկետում հեռուստաընկերությունը պարտքը չմարի, Հեռուստատեսության և ռադիոյի հանձնաժողովը իրավասու կլինի կասեցնել հեռուստաընկերության լիցենզիան։ Տեղեկությունը Factor.am-ին հայտնեցին Բարձր տեխնոլոգիական արդյունաբերության նախարարությունից։
«Եթե հեռուստաընկերությունը 24 ժամ եթեր չի հեռարձակվում, դրանից հետո ՀՌՀ-ն կարող է լիցենզիան կասեցնել, սակայն եթե պարտքը սահմանված ժամկետում վճարեն, ոչ մի խնդիր չի լինի», – հայտնեցին նախարարությունից:
«Ֆրինյուզ» հեռուստաընկերությունը «Հայաստանի հեռուստատեսային և ռադիոհաղորդիչ ցանց» ՓԲԸ-ին պարտք է 23,5 մլն դրամ, որը գոյացել է վերջին երկու տարում։
Անի Թամրազյան
