30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
ԵԱՀԿ-ն՝ Ադրբեջանից իր դիտորդին արտաքսելու մասին
Քաղաքականություն
06.02.2024 | 14:42
ԵԱՀԿ/ԺՀՄԻԳ-ը հաստատել է կազմակերպության առաքելության կարճաժամկետ դիտորդ Նիկ Գուգերին Ադրբեջան մուտքի մերժումը։
«Ներկայում մենք չգիտենք ստույգ պատճառը, բայց կապվել ենք իշխանությունների հետ և սպասում ենք պատասխանի»,- ասել է ԵԱՀԿ/ԺՀՄԻԳ-ի խոսնակ Կատյա Անդրուշը՝ պատասխանելով ադրբեջանական Turan-ի հարցին։
Նա նշել է, որ «ԺՀՄԻԳ-ը դեր չի խաղում դիտորդների հնարավոր մուտքը երկիր որոշելու հարցում՝ դիտորդական առաքելությանը մասնակցելու համար, դա երկկողմանի խնդիր է ուղարկող պետության և ընդունող երկրի միջև»։
Հիշեցնենք, որ Ադրբեջանում արտահերթ նախագահական ընտրությունների նախաշեմին ԵԱՀԿ դիտորդական առաքելության հետ կապված սկանդալ է տեղի ունեցել։ Մասնավորապես, Շվեյցարիայի Ավետարանական ժողովրդական կուսակցության անդամ, պատգամավոր, ԵԱՀԿ դիտորդական առաքելության անդամ Նիկ Գուգերին թույլ չէին տվել մուտք գործել Ադրբեջան։ Ոստիկանությունը Բաքվի օդանանավակայանում նրան ձերբակալել էր, ապա նստեցրել Ստամբուլ մեկնող ինքնաթիռը։ Այնտեղից էլ նա մեկնել էր Ցյուրիխ։
Էմմա Չոբանյան
