Բաքուն ԵԱՀԿ դիտորդին արտաքսել է երկրից

Լուրեր

20.11.2026 | 13:24
Հաքերները գողացել են Visa-ի, Mastercard-ի և Chase բանկի հաճախորդների տվյալները․ NYP
20.11.2026 | 13:15
Սամվել Կարապետյանի հետ այսպես խոսել չի´ կարելի, մենք չենք վախենում. Աբրահամյանը` Փաշինյանի առաջարկի. ՏԵՍԱՆՅՈՒԹ
20.11.2026 | 13:07
Աբխազիայի հայերին ՌԴ քաղաքացիություն են խոստացել՝ ՀՀ-ում կոնկրետ ուժի քվեարկելու դիմաց․ ահազանգ․ ՏԵՍԱՆՅՈՒԹ
20.11.2026 | 13:01
Լիանա Գասպարյանը ձայանգրություն միացրեց․ ՏԵՍԱՆՅՈՒԹ
20.11.2026 | 12:58
Իրանի դեմ պատերազմն ԱՄՆ-ին արժեցել է 48,3 միլիարդ դոլար․ Սենատը մերժել է բանաձևը, որը Թրամփին կոչ էր անում դադարեցնել Իրանում պատերազմը
20.11.2026 | 12:50
ՀՀ-ի եվրոպական ինտեգրումն ու տնտեսական համագործակցությունը քննարկվել են Մհեր Գրիգորյանի և Չեխիայի դեսպանի հանդիպմանը
20.11.2026 | 12:38
Ուկրաինական ԱԹՍ-ները հարձակվել են ՌԴ Սմոլենսկի մարզի պայթուցիկ նյութերի բաղադրիչների արտադրության գործարանի վրա
20.11.2026 | 12:29
Հայ մարմնամարզիկները մեդալներ են նվաճել միջազգային մրցաշարում
20.11.2026 | 12:21
Հյուսիս-հարավի Քաջարան-Ագարակ 32 կմ ճանապարհահատվածի շինարարությունն ավարտված է շուրջ 60 տոկոսով
20.11.2026 | 12:10
Լարված իրավիճակ Քոչարյանի գործով նիստին // Վրաստանում սգո օր է հայտարարվել․ ԼՈՒՐԵՐ
20.11.2026 | 12:00
Սոնա Ղազարյանի ճեպազրույցը՝ ՈւՂԻՂ
20.11.2026 | 11:59
Լեհաստանում օդային տագնապ է հայտարարվել՝ Ուկրաինային ՌԴ զանգվածային հարվածների ֆոնին
20.11.2026 | 11:50
Չափանիշներ են պետք, որ հասկանալի լինի՝ խախտումները ինչպես են ազդում քվեարկության արդյունքների վրա․ ՏԵՍԱՆՅՈՒԹ
20.11.2026 | 11:38
Վրաստանում նոյեմբերի 22-ը սգո օր է հայտարարվել Թբիլիսիում շենքի փլուզումից հետո
20.11.2026 | 11:36
Տիգրան Աբրահամյանի ճեպազրույցը՝ ՈւՂԻՂ
Բոլորը

Ադրբեջանում արտահերթ նախագահական ընտրությունների նախաշեմին ԵԱՀԿ դիտորդական առաքելության հետ կապված սկանդալ է տեղի ունեցել։ Մասնավորապես, Շվեյցարիայի Ավետարանական ժողովրդական կուսակցության անդամ, պատգամավոր, ԵԱՀԿ դիտորդական առաքելության անդամ Նիկ Գուգերին թույլ չեն տվել մուտք գործել Ադրբեջան, գրում է Blick-ը:

Բաքու վայրէջք կատարելուն պես նրան  ​​մուտքի մոտ կանգնեցրել են ոստիկաններն ու վերցրել անձնագիրը։ ԵԱՀԿ մյուս դիտորդներին առանց որևէ խնդրի թույլատրվել է անցնել անցակետը, այդ թվում՝ Շվեյցարիայի պատվիրակությունը:

«Այն փաստը, որ ադրբեջանական վարչակարգն այս կերպ հրաժարվում է դիտորդական առաքելությունից, ներկայացնում է էսկալացիայի նոր մակարդակ»,- ասել է Գուգերը։

Ոստիկանությունը Բաքվի օդանավակայանում գրեթե երեք ժամ պահել է քաղաքական գործչին, ապա նստեցրել Ստամբուլ մեկնող ինքնաթիռը։ Անձնագիրը Գուգերը ստացել է արդեն Թուրքիայում, որտեղից մեկնել է Ցյուրիխ։

Շվեյցարիայի ԱԳՆ-ն հաստատել է միջադեպի մասին տեղեկությունը։

«Մենք գիտենք այդ մասին։ Բաքվում Շվեյցարիայի դեսպանատունը փորձել է աջակցել Ազգային խորհրդի անդամ Նիկ Գուգերին։ FDFA-ն կգործի Ադրբեջանի իշխանությունների հետ դիվանագիտական ​​ուղիներով»,- նշել են ԱԳՆ-ից։

Լրատվամիջոցը նշում է, որ դեռևս պարզ չէ, թե կոնկրետ ինչո՞ւ Գուգերին թույլ չեն տվել երկիր մտնել, բայց, ըստ աղբյուրի, դա կարող է կապված լինել ԵԽ-ում նրա աշխատանքի հետ։ Անցյալ շաբաթ Բաքվի ռեժիմը հայտարարել էր, որ չի ընդունի Եվրոպայի խորհրդի Խորհրդարանական վեհաժողովից (ԵԽԽՎ) դիտորդների: Քանի որ Գուգերը, բացի ԵԱՀԿ-ից, նաև դիտորդ է ԵԽԽՎ-ում, նա կարող էր հայտնվել Բաքվի սև ցուցակում։

Blick-ը գրում է, որ Գուգերի քաղաքական ներգրավվածությունը Լեռնային Ղարաբաղի հակամարտությանը նույնպես կարող է դառնալ Կովկասում բռնապետության աչքի փուշը։ Անցած սեպտեմբերին Արցախի դեմ ադրբեջանական ագրեսիայից և էթնիկ զտումից հետո Գուգերը հրապարակավ բողոքել է բռնությունների դեմ և իր քննադատությունն ուղարկել Ադրբեջանի դեսպանին։

«Ես տարիներ շարունակ քարոզում եմ խաղաղություն և փորձում եմ կամուրջներ կառուցել»,- նշել է քաղաքական գործիչը։

Էմմա Չոբանյան