15.07.2026 | 20:20
«Դրսից եկողների» դեմ փոփոխություն․ ՀՀ-ն խստացնում է ընտրական ցենզը, մինչ այլ երկրներ հրաժարվում են սահմանափակումներից
ՔՊ-ականները որոշել են երաշխավորել Ալեն Սիմոնյանի հարսի, «Սիներջի»-ի տնօրենի և աշխատակցի կալանքի միջնորդությունը փոխելու համար
Քաղաքականություն
06.02.2024 | 11:05
Ազգային ժողովի «Քաղաքացիական պայմանագիր» խմբակցությունը երեկ փակ նիստ է հրավիրել, որտեղ քննարկվել են վերջին օրերի աղմկահարույց կալանավորումները։ Factor.am–ին հայտնի դարձավ, որ իշխող ուժի պատգամավորները միաձայն կողմ են արտահայտվել երաշխավորություն ներկայացնելուն, որպեսզի փոխվի Ալեն Սիմոնյանի եղբոր կնոջ` Անի Գևորգյանի, «Սիներջի» ընկերության տնօրեն Աշոտ Հովհաննիսյանի և ընկերության մեկ այլ աշխատակից` Լիլի Մկրյանի խափանման միջոց կալանքը։
Խմբակցության անդամ Վահագն Ալեքսանյանն այս առնչությամբ Factor.am-ին փոխանցեց, որ խմբակցության նիստերը փակ են և չի կարող տեղեկություն փոխանցել, ըստ էության, չհերքելով տեղեկությունը։
Զարուհի Բաթոյանն էլ Factor.am-ին փոխանցեց, որ ՔՊ խմբակցության երեկվա նիստին չի մասնակցել, բայց կին պատգամավորներին մտահոգում են կալանավորված այն կանայք, որոնց խնամքին մանկահասակ երեխաներ կան։
Նարեկ Կիրակոսյան
