05.07.2026 | 16:43
Կրեմլը մանրամասներ է հայտնել Պուտինի և Թրամփի հեռախոսազրույցի բովանդակությունից
Մենք ունենք կասկածներ, որ կան այլ փաստաթղթեր, այլ վկայություններ. ՀՔԾ պետը «Մարտի 1-ի» գործով նոր մանրամասներ հայտնեց․ ՏԵՍԱՆՅՈՒԹ
Քաղաքականություն
09.08.2018 | 14:02
Հատուկ քննչական ծառայության պետ Սասուն Խաչատրյանը շարունակում է պնդել, որ 2008 թվականի մարտի 1-ին բացի կանոնավոր բանակից գործել են նաև այլ զինված խմբեր, և այս փուլում այս գործի նախաքննությամբ պարզվում են այդ հանգամանքները։
Այս մասին այսօր Կառավարության նիստից հետո լրագրողների հետ ճեպազրույցում ասաց ՀՔԾ պետը։
Անդրադառնալով նախկին վարչապետ Հովիկ Աբրահամյանին պատկանող բնակարանից զենք զինամթերքի հայտնաբերմանը՝ Սասուն Խաչատրյանը նկատեց, որ նախկին վարչապետի մասնակցությունն այդ գործերին վարկած է, որն այս պահին ստուգվում է։
Հարցին՝ արդյոք «Մարտի 1-ի» գործով հնարավոր է նաև Գագիկ Ծառուկյանը հարցաքննվի, Սասուն Խաչատրյանը պատասխանեց․ «Չեմ կարող այդ մասին հստակ բան ասել։ Բազմաթիվ վարկածներ կան, որոնք ստուգվում են։ Նախաքննության շահերից ելնելով չեմ կարող մանրամասնել տվյալներ»։
Սասուն Խաչատրյանը խոսեց նաև 0038 հույժ գաղտնի հրամանի մասին և ընդգծեց, որ այն գաղտնազերծելու իրավասությունը պատկանում է ՀՀ Պաշտպանության նախարարությանը, և, հետևաբար, ՊՆ-ն կարող է որոշել, թե ինչ չափով կարող է գաղտնազերծել այդ փաստաթուղթը։
Մանրամասները՝ տեսանյութում։
