01.07.2026 | 10:23
Ուկրաինական ԱԹՍ-ները գրոհել են Պենզան․ հարձակման է ենթարկվել պաշտպանական գործարան
Գորիսում կրակոցներ են հնչել․ հրազենային վնասվածքով քաղաքացի է տեղափոխվել հիվանդանոց
Հասարակություն
02.02.2024 | 17:16
Այսօր Գորիսում կրակոցներ են հնչել։ Ավելի ուշ ոստիկանություն ահազանգ է ստացվել Գորիսի բժշկական կենտրոնից, որ հրազենային վնասվածքով քաղաքացի է տեղափոխվել հիվանդանոց։ Այս մասին Factor.am-ին հայտնեց ՆԳՆ ոստիկանության հասարակայնության հետ կապի և լրատվության վարչության պետ Զարզանդ Գաբրիելյանը։
Ըստ Գաբրիելյանի՝ մինչ այդ քաղաքացի է ահազանգել և տեղեկացրել, որ վիճաբանություն է տեղի ունենում։
ՀՀ Քննչական կոմիտեի մամուլի քարտուղար Գոռ Աբրահամյանն ավելի ուշ փոխանցեց, որ դեպքի առթիվ Սյունիքի մարզային վարչության Գորիսի քննչական բաժնում ՀՀ քրեական օրենսգրքի 44-155-րդ հոդվածի 2-րդ մասի 7-րդ կետի և 335-րդ հոդվածի 1-ին մասի հատկանիշներով նախաձեռնվել է քրեական վարույթ, իրականացվում է նախաքննություն։
«Դեպքը ժամը 12:10-ի սահմաններում է տեղի ունեցել, Գորիս քաղաքի Երևանյան խճուղուց դեպի «Հայ ֆրանսիական սրտաբանական կենտրոն» տանող ճանապարհի հատման խաչմերուկում։ Մի քանի անձանց մասնակցությամբ տեղի ունեցած վիճաբանության ընթացքում արձակվել են հրազենային կրակոցներ, որի հետևանքով նրանից մեկը ձախ ազդրի շրջանում ստացել է վնասվածք և տեղափոխվել բուժհաստատություն»։ Մամուլի քարտուղարը հայտնեց, որ միջադեպի մասնակից անձանց ինքնությունները պարզվել են․ միջոցներ են ձեռնարկվում նրանց վարույթն իրականացնող մարմնին ներկայացնելու ուղղությամբ։
Անի Թամրազյան
