25.02.2026 | 09:27
Ապրիլի 1-ից կենսաթոշակները կբարձրանան․ Նիկոլ Փաշինյան
Ուկրաինան դաշնակիցներին հայտնել է արկերի կրիտիկական պակասի մասին
Քաղաքականություն
01.02.2024 | 13:20
Ուկրաինայի պաշտպանության նախարար Ռուստեմ Ումերովը եվրոպացի դաշնակիցներին հայտնել է, որ ուկրաինական բանակն այժմ կարող է երեք անգամ ավելի քիչ արկ արձակել, քան ռուսական բանակը։ Ըստ Bloomberg-ի՝ այս մասին Ումերովը գրել է այս շաբաթ Եվրոպայի պաշտպանության նախարարներին ուղղված նամակում։ Նամակում ասվում է, որ ուկրաինական բանակն այժմ կարող է մոտ 2000 արկ ծախսել մեկուկես հազար կիլոմետր երկարությամբ առաջնագծի ամբողջ երկայնքով։
Ուկրաինացի պաշտոնյան դաշնակիցներին կոչ է անում արագ գործել՝ Ուկրաինային զինամթերք տրամադրելու համար և թույլ տալ գոնե արկերի քանակով համեմատվել հակառակորդի հետ։
Եվրամիությունն անցյալ տարի իր առջև նպատակ էր դրել մինչև գարուն մեկ միլիոն արկ արտադրել Ուկրաինայի համար, սակայն այժմ խոստովանում է, որ մինչև մարտ չի հասնի այդ նպատակի կեսին։ ԵՄ պաշտպանության նախարարներն այս շաբաթ հայտարարեցին, որ մինչև այս տարվա ավարտը համատեղ կարտադրվի մեկ միլիոն արկ, իսկ հաջորդ տարի նախատեսվում է կրկնապատկել արտադրությունը:
Ումերովի նամակում ասվում է, որ Ուկրաինային անհրաժեշտ է ամսական առնվազն 200 հազար 155 մմ տրամաչափի արկ, այսինքն՝ տարեկան 2,4 միլիոն։
