02.06.2026 | 16:45
Ռուսաստանը սահմանափակում է Հայաստանից սմբուկի, կարտոֆիլի և չրերի ներմուծումը
ՌԴ-ից դեպի հարևան երկրներ դրամական փոխանցումները նվազել են․ Հայաստանը բացառություն է
Քաղաքականություն
31.01.2024 | 15:38
Ռուսաստանից Ղազախստան, Վրաստան, Հայաստան և Ղրղզստան փոխանցումների ծավալը 2023 թվականին նվազել է 12%-ով, հաշվարկել է ՌԲԿ-ն ՝ հիմնվելով այս երկրների կենտրոնական բանկերի վիճակագրության վրա։ Ռուսաստանից նշված չորս երկրներ ուղարկվել է 7,7 մլրդ դոլար, փոխանցումների ծավալի կրճատումը սկսվել է անցյալ տարվա երկրորդ եռամսյակից։ Ինչպես նշում է ՌԲԿ-ն, վիճակագրության մեջ արտացոլված չէ դեկտեմբերին Հայաստան և Ղրղզստան փոխանցումների տվյալները, քանի որ այս երկրների կարգավորիչները դեռևս չեն հրապարակել թվերը։
ՌԲԿ-ն նշում է, որ միակ երկիրը, որը տրանսֆերտների ծավալի աճ է արձանագրել, Հայաստանն է։ Հունվար–նոյեմբեր ամիսներին հանրապետություն է փոխանցվել 3,6 մլրդ դոլար կամ 15%-ով ավելի, քան մեկ տարի առաջ (3,2 մլրդ դոլար)։ Այդ միջոցները ստացվել են ինչպես բանկային, այնպես էլ դրամական փոխանցումների համակարգերի միջոցով:
2023 թվականի 11 ամիսների ընթացքում Ռուսաստանից Ղրղզստան է ուղարկվել շուրջ 2,3 մլրդ դոլար կամ 17%-ով պակաս, քան նախորդ տարվա նույն ժամանակահատվածում։ Վրաստան է ուղարկվել 1,5 միլիարդ դոլար, մինչդեռ 2022 թվականին այդ գումարը կազմել է ավելի քան 2 միլիարդ դոլար, տարեկան կրճատումը կազմել է 26 տոկոս։ Տրանսֆերտների ծավալների անկումը սկսվել է մայիսից։
