77 քմ մակերեսով բնակարան, 2009թ. «Նիվա»․ ի՞նչ գույք է հայտարարագրել աշխարհի ամենահարուստ մարդկանցից մեկը համարվող Պուտինը

Լուրեր

21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
Բոլորը

ՌԴ Կենտրոնական ընտրական հանձնաժողովը (ԿԸՀ) հրապարակել է առաջիկա նախագահական ընտրություններում գրանցված թեկնածու Վլադիմիր Պուտինի հայտարարագիրը։ Նրա եկամուտների ընդհանուր գումարը վեց տարվա ընթացքում կազմել է 67 միլիոն 591 հազար 875 ռուբլի։ Ըստ հայտարարագրի՝ նշված գումարը Պուտինը ստացել է աշխատավարձից, բանկային ավանդներից ստացված եկամուտներից, արժեթղթերից, զինվորական կենսաթոշակից, կենսաթոշակից և գույքի վաճառքից ստացված միջոցներից, փոխանցում է Կոմերսանտը։

Հայտարարագրում նշված է նաև հետևյալ գույքը․ 1 բնակարան Սանկտ Պետերբուրգում՝ 77 քմ մակերեսով, 1 ավտոտնակ Սանկտ Պետերբուրգում՝ 18 քմ, 3 մարդատար ավտոմեքենա՝ 1960 թվականի ԳԱԶ М21, 1965 թվականի ԳԱԶ М21, 2009 թվականի «Նիվա» մակնիշի ավտոմեքենա, ինչպես նաև 1987 թվականի արտադրության «Սկիֆ» մեքենայի կցասայլակ։

Պուտինը նաև նշել է բանկային 10 հաշվեհամար, որոնցում կա 54 416 604,52 ռուբլի ու Սանկտ-Պետերբուրգի բանկի 230 արժեթուղթ (մեկ արժեթղթի արժեքը 280,49 ռուբլի է)։

Անսահմանափակ ժամկետով օգտագործման համար նշված է բնակարան Մոսկվայում (153,7քմ) և 18 քմ ավտոկայանատեղի Սանկտ Պետերբուրգում։

Մինչդեռ ՌԴ նախագահի իրական ունեցվածքի մասին տեղեկությունները, որոնք հայտնվել են տարբեր լրատվամիջոցներում, այլ պատկեր են ցույց տալիս։

Այսպես, ըստ որոշ գնահատականների՝ Պուտինը համարվում է աշխարհի ամենահարուստ մարդկանցից մեկը։ Hermitage Capital ներդրումային ֆոնդի ղեկավար Բիլ Բրաուդերը CNN-ին տված հարցազրույցում հայտարարել էր, որ Պուտինի կարողությունը գնահատվում է մոտ 200 միլիարդ դոլար։ Բրաուդերը նշել է, որ ինքն ու բազմաթիվ այլ մարդիկ ՌԴ ղեկավարին համարում են աշխարհի ամենահարուստ մարդը կամ աշխարհի ամենահարուստ մարդկանցից մեկը՝ Ռուսաստանից գողացված հարյուր միլիարդավոր դոլարների կարողությամբ, հաշվի առնելով այն գումարները, որոնք Պուտինի կառավարման 14 տարիներին չեն ծախսվել դպրոցների, ճանապարհների, հիվանդանոցների և այլնի վրա, այլ պահվում են շվեյցարական բանկային հաշիվներում, բաժնետոմսերում, հեջ-ֆոնդերում և ղեկավարվում են Պուտինի ու իր մերձավորների կողմից։

Բացի այդ, «Դոսյե» կենտրոնի լրագրողները տեսանյութ էին հրապարակել, որում Կարելիայում Վլադիմիր Պուտինի «գաղտնի ամառանոցն» էր նկարահանված, որը գտնվում է Լադոգա լճի Մարջալահտի ծովածոցի ափին՝ Ֆինլանդիայի հետ սահմանից մոտավորապես 30 կիլոմետր հեռավորության վրա: Պաշտոնապես «ամրոցի» բնակության տարածքը կազմում է մոտ մեկ քառակուսի կիլոմետր։ Սակայն, ինչպես նշում է «Դոսյեն», հաշվի առնելով այն հանգամանքը, որ պարզապես անհնար է մտնել շրջակա անտառներ և ծովածոցեր, արդյունքում տարածքը կազմում է մոտ չորս քառակուսի կիլոմետր, ինչը երկու անգամ մեծ է Մոնակոյից։

«Ամրոցի» տարածքում կան ժամանակակից ոճով երեք առանձնատներ, որոնք, ըստ փաստաթղթերի, կոչվում են «ձկնորսի խրճիթ», «ամբար» և «այգետուն»։ Կա նաև շոգեբաղնիք, իշխան ձկան ֆերմա, կովերի ֆերմա՝ մարմարե տավարի մսի արտադրության համար, երկու ուղղաթիռի հարթակ, զբոսանավերի համար նախատեսված նավամատույցներ, ինչպես նաև ջրվեժ, որի դիմաց կա անձնական զրուցարան։

Նույն «Դոսյե» կենտրոնի տվյալներով, որոնք հրապարակվել են 2023 թվականին, ՌԴ նախագահի և նրա շրջապատի համար 71 մետրանոց զբոսանավ է կառուցվել, որի անունն է «Վիկտորիա», իսկ ճամփորդությունների ժամանակ զբոսանավին ուղեկցում է «Օրիոն» 38 մետրանոց նավը։ Դրանց ընդհանուր արժեքը գնահատվում է ավելի քան 60 միլիոն դոլար։

Արժե հիշատակել նաև դեռևս 2021 թվականին մեծ աղմուկ բարձրացրած ռուս ընդդիմադիր քաղաքական գործիչ Ալեքսեյ Նավալնիի սկանդալային բացահայտումը Գելենջիկում «Պուտինի պալատի» մասին։ Ընդդիմադիր գործչի հետաքննության կենտրոնում է եղել Գելենջիկի մերձակայքում գտնվող 17,6 հազար քառակուսի մետր տարածքով պալատը, որը Նավալնին անվանում է Ռուսաստանում ամենամեծ մասնավոր տունը։

Բացի բուն պալատից՝ տարածքում կան փակ սառցե պալատ, եկեղեցի, 2,5 հազար քառակուսի մետր տարածքով ջերմոց, 80 մետրանոց կամուրջ և ամֆիթատրոն: Քանի որ պալատը գտնվում է զառիթափին, ծով դուրս գալու համար փորվել է հատուկ թունել։ Բուն պալատի համալիրի տարածքը 68 հա է, սակայն պալատի շուրջ գտնվող 7000 հա տարածքը գտնվում է Անվտանգության դաշնային ծառայության վերահսկողության տակ ու հանդիսանում է փակ գոտի։