21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Ռուսական C-400-ների հարցի լուծումից հետո Թուրքիան կարող է միանալ F-35-ի ծրագրին․ Վիկտորիա Նուլանդ
Քաղաքականություն
30.01.2024 | 17:33
Թուրքիայում գտնվող ԱՄՆ պետքարտողարի տեղակալ Վիկտորիա Նուլանդը CNN Turk-ին տված հարցազրույցում անդրադարձել է թուրք-ամերիկյան հարաբերությունների վերջին զարգացումներին, նաև խոսել Թուրքիայի դեմ ռազմական ոլորտում ԱՄՆ-ի սահմանած պատժամիջոցներից։ Դիտարկմանը, թե Անկարայի ակնկալիքներից մեկը CAATSA-ի պատժամիջոցների վերացումն է, ինչը բացասաբար է անդրադառնում ՆԱՏՕ-ի առանցքային անդամ Թուրքիայի ռազմական կարողությունների և մարտունակության, ինչպես նաև երկու երկրների հարաբերությունների վրա, Նուլանդն արձագանքել է, որ պատժամիջոցները կապված են ՌԴ-ից C-400 ՀՕՊ համակարգերի գնման հետ։
«CAATSA-ի պատժամիջոցները կապված են Ռուսաստանի Դաշնությունից C-400 ՀՕՊ համակարգեր գնելու՝ Թուրքիայի կառավարության որոշման հետ։ Ահա թե ինչն է հանգեցրել CAATSA-ի պատժամիջոցներին: Մենք Patriot-ի վաճառքի շուրջ բանակցություններ էինք վարում, և մինչ այդ բանակցությունները շարունակվում էին, Թուրքիան գնաց այլ ուղղությամբ։ Այդ պատճառով մենք այսօր որոշ զրույցներ ունեցանք: Անկեղծ ասած, եթե մենք կարողանանք լուծել C-400-ի խնդիրը, ԱՄՆ-ը հաճույքով կընդունի Թուրքիային F-35-ի ընտանիք»,- ասել է ԱՄՆ պետքարտուղարի տեղակալը։
Նա նշել է, որ եթե խնդիրը լուծվի, CAATSA-ի հարցը կվերանա, և կողմերը կկարողանան վերադառնալ F-35-ի շուրջ բանակցություններին։
Հավելենք, որ Նուլանդն Անկարայում մասնակցել է Թուրքիա-ԱՄՆ Ռազմավարական մեխանիզմի շրջանակում հերթական հանդիպմանը։
Էմմա Չոբանյան
