24.11.2024 | 12:41
Օտարերկրյա ԶԼՄ-ներում շարունակում են զետեղվել սպառազինության ձեռքբերման մասին կեղծ հրապարակումներ․ ՊՆ
Արհեստական գնաճ գերշահույթի հաշվին չկա․ Մեսրոպ Առաքելյան․ ՏԵՍԱՆՅՈՒԹ
Հասարակություն
08.08.2018 | 16:22
Կառավարության գործունեությունն իրական ազդեցություն ունեցել է միայն վերջին երկու ամիսների տնտեսական ցուցանիշների վրա, սակայն, այդ ցուցանիշները միայն ամիսների արձանագրած արդյունքներով չի կարելի գնահատել․ ամբողջությամբ դիտարկելով՝ կարելի է նկատել, որ Կառավարության գործունեության առաջիկա քայլերը նախադրյալներ են ստեղծել, որ տնտեսական ակտիվությունը լինի ավելի մեծ տեմպերով։
Այս մասին այսօր հրավիրված մամուլի ասուլիսի ժամանակ ասաց ՀՀ վարչապետի խորհրդական, տնտեսագետ Մեսրոպ Առաքելյանը։
«Բյուջետային մուտքերը վեց ամսվա կտրվածքով էականորեն ավելացել են, որոնց մեծ մասը հարկային վարչարարության հիման վրա են կատարվում։ Համոզված ենք, որ տարվա 2-րդ կիսամյակում բյուջետային մուտքերն էլ ավելի կլինեն»,-ասաց տնտեսագետը։
Խոսելով վերջին շրջանում նկատվող գնաճի մասին՝ Մեսրոպ Առաքելյանը նշեց, որ, ի տարբերություն նախորդ տարվա այս նույն ժամանակահատվածի, այս տարի էական գնաճ չկա․ «Հնարավոր է՝ գյուղատնտեսական որոշ ապրանքներ գնաճ են արձանագրել, սակայն, ընդհանուր գնաճի վրա դա էական ազդեցություն չի ունեցել։ Որևէ արհեստական բարձրացում չկա, ի տարբերություն այն ապրանքների դեպքում, որոնք նախորդ իշխանությունների օրոք տեսնում էինք՝ կապված մենաշնորհների և արհեստական գնաճի հետ»,-ասաց նա՝ պնդելով որ արհեստական գնաճ գերշահույթի հաշվին չկա։
Մանրամասները՝ տեսանյութում։
