07.10.2026 | 15:00
Հայտարարվել են քիմիայի ոլորտում Նոբելյան մրցանակի դափնեկիրները
ԱՄՆ-ը հարվածներ է նախապատրաստում Պարսից ծոցում իրանական նավատորմի ուղղությամբ
Քաղաքականություն
30.01.2024 | 14:48
ԱՄՆ-ը դիտարկում է Պարսից ծոցում Իրանի ռազմածովային ուժերին հարվածելու հնարավորությունը՝ ի պատասխան Հորդանանում ամերիկյան բազայի վրա հարձակման: Այս մասին գրում է Politico թերթը՝ հղում անելով աղբյուրներին։
«Նախագահ Բայդենը հանձնարարել է իր թիմին մշակել ռազմական տարբերակներ՝ ի պատասխան շաբաթավերջին տեղի ունեցած հարձակման»,- հաղորդում է պարբերականը:
Վկայակոչելով անանուն պաշտոնյաներին՝ լրատվամիջոցը նշում է, որ Պենտագոնը դիտարկում է մի քանի տարբերակ՝ հարձակումներ Պարսից ծոցում Իրանի ռազմածովային ուժերի, Իրաքում կամ Սիրիայում իրանցի զինվորականների վրա։
Թերթի աղբյուրները ենթադրել են, որ եթե Բայդենը հավանություն տա համապատասխան որոշմանը, ապա, ամենայն հավանականությամբ, «պատասխան միջոցներ» պետք է սպասել «առաջիկա մի քանի օրվա ընթացքում» և մի քանի նպատակակետերի ուղղությամբ։
