23.11.2024 | 17:33
Նոյեմբերի 25-ին Հայաստանի մի շարք հասցեներում էլեկտրաէներգիայի անջատումներ կլինեն
Պուտինը փետրվարին կայցելի Թուրքիա․ Ուկրաինան լինելու է քննարկման առանցքային թեմաներից
Քաղաքականություն
29.01.2024 | 18:13
ՌԴ նախագահ Վլադիմիր Պուտինի այցը Թուրքիա պատրաստվում է, այն նախատեսվում է փետրվարին։ Այս մասին լրագրողներին հայտնել է ՌԴ նախագահի միջազգային հարաբերությունների հարցերով օգնական Յուրի Ուշակովը, փոխանցում է ՏԱՍՍ-ը։
«Այո՛, պատրաստվում է այցը»,- ասել է Կրեմլի ներկայացուցիչը։
Հարցին՝ արդյո՞ք խոսքը փետրվար մասին է, Ուշակովը դրական է պատասխանել։
Նա նաև նշել է, որ ուկրաինական հակամարտության կարգավորման թեման լինելու է Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի առաջիկա բանակցությունների առանցքային թեմաներից մեկը։
«Կարող եմ ասել, որ ուկրաինական թեման, հավանաբար, կլինի բանակցությունների հիմնական առարկաներից մեկը»,- ասել է Ուշակովը։
Հիշեցնենք, որ դեկտեմբերին տարեկան ամփոփիչ ասուլիսի ժամանակ Վլադիմիր Պուտինը հայտարարել էր, որ մտադիր է 2024 թվականի սկզբին այցելել Թուրքիա և բանակցություններ անցկացնել Էրդողանի հետ։
Էմմա Չոբանյան
