15.09.2026 | 16:11
Վարդան Ղուկասյանն ասել ա՝ «Ով միութենական պետությանը դեմ ա, թրքահպատակ շան տղա ա»․ Վահագն Ալեքսանյան․ ՏԵՍԱՆՅՈՒԹ
Գերմանիայի ԱԳ նախարարի ինքնաթիռի մուտքը Էրիթրեայի օդային տարածք արգելվել է
Քաղաքականություն
25.01.2024 | 18:53
Գերմանիայի արտաքին գործերի նախարար Աննալենա Բերբոքին տեղափոխող ինքնաթիռն աֆրիկյան Ջիբութի մեկնելիս չնախատեսված վայրէջք է կատարել Սաուդյան Արաբիայում՝ Էրիթրեայի օդային տարածքով թռչելու թույլտվություն չստանալու պատճառով։ Այս մասին գրում է Reuters-ը։
Ջիբութին պետք է լիներ Բերբոքի եռօրյա ուղևորության առաջին կանգառը Արևելյան Աֆրիկայում, որտեղ նա պետք է բանակցություններ վարեր Սուդանի հակամարտության և Կարմիր ծովում տիրող իրավիճակի շուրջ:
«Մեր բոլոր ջանքերն ապարդյուն անցան, ցավոք, մենք այդպես էլ Էրիթրեայի վրայով թռչելու թույլտվություն չստացանք»,- ասել է ինքնաթիռի օդաչուն։
Սովորաբար թռիչքի ժամանակ տրվում է թույլտվություն, բայց այն չի տրամադրվել։ Սուդանի և Եմենի տարածքներով էլ թռիչքն անհնար է եղել՝ այդ երկրներում զինված հակամարտությունների պատճառով։
«Երբ որևէ բան է պատահում, որին իրականում չես կարող պատրաստ լինել, պետք է ճկունություն դրսևորել»,- ասել է Բերբոքը վայրէջքից հետո։
Գերմանիայի արտաքին գործերի նախարարը հունվարի 25-ին պետք է ժամաներ Ջիբութի՝ քննարկելու Եվրամիության ծրագիրը՝ Կարմիր ծովում քաղաքացիական նավերը հութիների հարձակումներից պաշտպանելու համար: Բերբոքը մտադիր է այցելել նաև Քենիա և Հարավային Սուդան՝ քննարկելու Սուդանի պատերազմը։
