01.11.2024 | 23:19
Հրդեհ Գյումրու տներից մեկում
Գազայում մարդկային կորուստների թիվը հասել է 25,700-ի
Քաղաքականություն
25.01.2024 | 22:57
Առնվազն հինգ պաղեստինցի է զոհվել չորեքշաբթի Գազայի հատվածի հարավում գտնվող Ռաֆահ քաղաքի մզկիթի վրա հարձակման հետևանքով։ Մահացածներն ու վիրավորները տեղափոխվել են մոտակա Աբու Յուսեֆ ալ Նաջար հիվանդանոց, որտեղ նրանց տեսել են AP-ի թղթակիցները։
ՀԱՄԱՍ-ի ղեկավարած Գազայի Առողջապահության նախարարության տվյալներով՝ իսրայելական հրետակոծության հետևանքով արդեն զոհվել է առնվազն 25,700 պաղեստինցի, գրում է Euronews-ը։
ՄԱԿ-ի Մերձավոր Արևելքում Պաղեստինի փախստականների օգնության գործակալությունը (UNRWA) հայտնել է, որ իսրայելական տանկը հարձակվել է Խան Յունիսում գտնվող իր ուսումնական կենտրոնի վրա, ինչի հետևանքով ինը մարդ է զոհվել:
«Հարձակում եղավ Խան Յունիսում գտնվող UNRWA ուսումնական կենտրոնի վրա, որտեղ պատսպարվում էին 10,000 տեղահանված մարդիկ, և նրանք վերջերս էին հարձակման ենթարկվել (երեքշաբթի)՝ կրելով զանգվածային զոհեր: Որոշ շենքեր այրվում են, կան զոհեր: Շատ մարդիկ փորձել են փախչել դեպքի վայրից, սակայն չեն կարողացել դա անել»,- ասել է Պաղեստինի փախստականների հարցերով ՄԱԿ-ի համակարգող Ջեյմի ՄաքԳոլդրիկը:
«Երկու տանկային արկ հարվածել է շենքին, որտեղ պատսպարվում էր 800 մարդ։ Այս պահին հաղորդվում է 9 զոհի և 75 վիրավորի մասին»,- ավելի ուշ սոցցանցերում գրել է UNRWA-ի Գազայի տնօրեն Թոմաս Ուայթը:
Իսրայելի պաշտպանության բանակի հիմնական թիրախը, ըստ երևույթին, Նասերի և Ալ-Ամալ հիվանդանոցների շրջակայքն է, ինչպես նաև UNRWA ուսումնական կենտրոնը: Իսրայելացի զինվորականները նշում են, որ այդ տարածքում է գտնվում ՀԱՄԱՍ-ի զինյալների համար կարևոր բազան:
Մի շարք երկրներ և միջազգային կազմակերպություններ դատապարտել են հարձակումը։
