15.09.2026 | 16:49
ՀՀՇ-ի ծիլերից ծնվեց մեկը, որը իր խոսույթով չի տարբերվում թուրքերից․ Խաչատրյանը՝ Եղոյանին․ ՏԵՍԱՆՅՈՒԹ
Զելենսկին կոչ է արել միջազգային հետաքննություն սկսել Իլ-76-ի կործանման վերաբերյալ
Քաղաքականություն
25.01.2024 | 11:15
Ուկրաինայի նախագահ Վլադիմիր Զելենսկին ասել է, որ իրեն տեղեկացրել են ռուսական Իլ-76-ի հետ կապված իրավիճակի և ռազմագերիների փոխանակման ձախողման մասին, փոխանցում է BBC-ի ռուսական ծառայությունը։
«Պետք է հստակ պարզել բոլոր փաստերը ինչքան հնարավոր է՝ հաշվի առնելով այն հանգամանքը, որ ինքնաթիռը կործանվել է Ռուսաստանի տարածքում՝ մեր վերահսկողությունից դուրս»,- ասել է Ուկրաինայի նախագահը։
«Ուկրաինայի հետախուզության գլխավոր վարչությունը հետաքննում է բոլոր ռազմագերիների ճակատագիրը։ Անվտանգության ծառայությունը հետաքննում է բոլոր հանգամանքները։ Իսկ ես հանձնարարել եմ Ուկրաինայի արտաքին գործերի նախարարին հայտնել գործընկերներին Ուկրաինայի ունեցած տվյալները։ Մեր պետությունը պնդելու է, որպեսզի միջազգային հետաքննություն իրականացվի»,- իր երեկոյան ելույթում ասել է Զելենսկին։
Հիշեցնենք, որ ՌԴ Բելգորոդի մարզում կործանվել է ՌԴ զինված ուժերի Իլ-76 ռազմական ինքնաթիռ։ Ինքնաթիռում եղել է 74 մարդ, որոնցից 65-ը՝ ռուսական կողմի պնդմամբ ուկրաինացի ռազմագերիներ են եղել, օդանավի անձնակազմի 6 անդամ և 3 ուղեկցող։
Մոսկվան պահանջել է օդանավի կործանման հարցով ՄԱԿ-ի Անվտանգության խորհրդի արտահերթ նիստ հրավիրել, Նյու Յորքում ասել է Ռուսաստանի ԱԳ նախարար Սերգեյ Լավրովը։ Ռուսական դիվանագիտության գերատեսչության ղեկավարը պնդել է, որ օդանավը խոցվել է ուկրաինական զինուժի կողմից։
