02.11.2024 | 11:21
Նավթի գները նվազել են
ՌԴ Պետդուման ընդունել է ԶՈՒ-ի վերաբերյալ «ֆեյքերի» համար գույքի բռնագրավման մասին օրենքը
Քաղաքականություն
24.01.2024 | 19:29
ՌԴ Պեդուման առաջին ընթերցմամբ ընդունել է Ռուսաստանի Դաշնության զինված ուժերի մասին «ֆեյքերի» հոդվածով դատապարտվածներից գույքի բռնագրավման մասին օրինագիծը: Փաստաթղթին կողմ է քվեարկել 395 պատգամավոր, դեմ՝ 3-ը։ Օրինագիծը կարող է երկրորդ ընթերցմամբ քննարկվել հաջորդ շաբաթ, նշել է Դումայի խոսնակ Վյաչեսլավ Վոլոդինը, փոխանցում է DW-ի ռուսական ծառայությունը։
Վոլոդինն ասել է, որ օրենսդրության խստացումն անհրաժեշտ է, քանի որ «սրիկաների դեմ պայքարի» գործող միջոցները բավարար չեն։
Իր հերթին, Լուգանսկից պատգամավոր Անդրեյ Լուգովոյը նշել է, որ ցանկացած մարդ, որը «փորձում է վնաս պատճառել հայրենիքին», կարող է «կորցնել ամեն ինչ»։
«Նոր մարդիկ» կուսակցության առաջնորդ Ալեքսեյ Նեչաևն ավելի վաղ դեմ էր արտահայտվել այս օրինագծին։
Հունվարի 22-ին Պետդումա է ներկայացվել ռուսական բանակի մասին «ֆեյքերի» և դասալքության հրապարակային կոչերի համար դատապարտվածներից գույքի բռնագրավման մասին օրինագիծ։
Ուկրաինական պատերազմի մեկնարկից ի վեր ռուսական դատարանները հետապնդում են անձանց «կեղծիքների» և «բանակի վարկաբեկման» հոդվածներով՝ Ուկրաինայի դեմ Ռուսաստանի Դաշնության պատերազմի մասին տեղեկությունների համար, որոնք հակասում են Կրեմլի պաշտոնական դիրքորոշմանը։
Քննչական կոմիտեի ղեկավար Ալեքսանդր Բաստրիկինը հունվարի կեսերին ասել էր, որ 2022 թվականին ՌԴ-ում քրեական պատասխանատվության սահմանումից ի վեր ռուսական բանակի մասին «կեղծիքների» տարածման համար իր վարչությունը բացել է 273 քրեկան գործ, որից 90-ը՝ 2023 թվականին։
Էմմա Չոբանյան
