23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Մեկնարկել է Իրանի նախագահի պաշտոնական այցը Թուրքիա
Քաղաքականություն
24.01.2024 | 16:50
Իրանի նախագահ Էբրահիմ Ռաիսիի գլխավորած բարձրաստիճան պատվիրակությունը ժամանել է Անկարա, գրում է իրանական Մեհր գործակալությունը։
Նախքան Անկարա մեկնելը Ռաիսին հայտարարել էր, որ Իրանն ու Թուրքիան ընդհանուր դիրքորոշում ունեն Պաղեստինին աջակցելու հարցում։ Նա նշել էր, որ Իրանը Թուրքիային համարում է բարենպաստ գործընկեր երկկողմ հարաբերությունների ընդլայնման համար։
Ռաիսին նաև կոչ էր արել զարգացնել տարածաշրջանային և միջազգային հարաբերությունները երկու երկրների միջև և առևտրաշրջանառությունը հասցբել 30 մլրդ դոլարի։
Թուրքական լրատվամիջոցների հաղորդմամբ էլ՝ Թուրքիայի նախագահական նստավայրում տեղի է ունեցել Իրանի նախագահի դիմավորման պաշտոնական արարողությունը։
Մեկնարկել են երկու երկրների նախագահների բանակցությունները։
Էմմա Չոբանյան
