15.09.2026 | 15:02
Ենթադրաբար, Հայկ Սարգսյանը կհեռացվի կուսակցությունից նկատողության պարագայում. Ալեքսանյան․ ՏԵՍԱՆՅՈՒԹ
Իսրայելը Գազայի հատվածում գործողության մեկնարկից ի վեր մեկ օրում ամենամեծ կորուստներն է կրել
Քաղաքականություն
23.01.2024 | 18:07
Իսրայելի պաշտպանության բանակը մեկ օրում կրել է իր ամենամեծ կորուստները Գազայի հատվածում ՀԱՄԱՍ խմբավորման դեմ ցամաքային գործողության մեկնարկից ի վեր։ Բանակի հրամանատարության վերջին տվյալների համաձայն՝ վերջին 24 ժամվա ընթացքում 24 իսրայելցի զինվոր է զոհվել, գրում է VOA-ն։
Իսրայելական բանակի խոսնակ, կոնտրադմիրալ Դանիել Հագարիի խոսքով՝ 21 զինվոր է զոհվել երկու շենքերում, որտեղ գտնվել են իսրայելացի զինվորականները պայթուցիկները գործի դրվելուց հետո։ Դեպքի հանգամանքները պարզվում են։ Նռնականետով խոցվել է նաև իսրայելական տանկ։
Իսրայելի նախագահ Իցհակ Հերցոգը ցավակցություն է հայտնել զինվորականների մահվան կապակցությամբ։
«Շատ դժվար առավոտ է»,- նշել է նա։
Ամենադաժան մարտերն այս պահին ընթանում են Գազայի հատվածի հարավ-արևմուտքում գտնվող Խան Յունիս քաղաքում, որտեղ այժմ կենտրոնացած են ՀԱՄԱՍ-ի հիմնական ուժերը:
Երկուշաբթի հաղորդվել էր, որ իսրայելական զորքերը գրավել են հիվանդանոցի շենքը, որտեղ պաշտպանվում են ՀԱՄԱՍ-ի զինյալները: Պաղեստինյան կողմը հերքում է այս մեղադրանքները։ ՀԱՄԱՍ-ի կողմից վերահսկվող Գազայի Առողջապահության նախարարությունը հայտնել է իսրայելցիների կողմից բուժաշխատողների ձերբակալության մասին։
Իսրայելը ցամաքային գործողություն է սկսել Գազայում՝ ի պատասխան հոկտեմբերի 7-ին Իսրայելի հարավում ՀԱՄԱՍ-ի հարձակմանը։ Այն ժամանակ զոհվել են ավելի քան 1200 իսրայելցիներ, այդ թվում՝ երեխաներ և օտարերկրացիներ, և մոտ երկու հարյուր մարդ պատանդ է վերցվել։ Նրանց ավելի քան կեսը դեռ մնում է Գազայի հատվածում՝ ՀԱՄԱՍ-ի ձեռքում։
