Ադրբեջանի ԱԳՆ-ն Բորելին մեղադրել է Բաքվի ու Բրյուսելի հարաբերությունները սրելու մեջ

Լուրեր

21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
Բոլորը

Պաշտոնական Բաքուն  արձագանքել է ԵՄ արտաքին հարաբերությունների և անվտանգության քաղաքականության հարցերով բարձր ներկայացուցի Ժոզեպ Բորելի հայտարարություններին, որոնք առնչվում են ՀՀ-ի նկատմամբ Ադրբեջանի նախագահ Իլհամ Ալիևի հնչեցրած սպառնալիքներին։

«Մենք կտրականապես մերժում ենք հունվարի 22-ին ԵՄ արտաքին հարաբերությունների խորհրդին հաջորդած մամուլի ասուլիսի ժամանակ ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Ժոզեպ Բորելի կողմից Ադրբեջանի հասցեին հնչեցված անհիմն մեղադրանքները»,-ասել է Ադրբեջանի ԱԳՆ խոսնակ Այխան  Հաջիզադեն։

Նրա գնահատմամվ «ԵՄ բարձր ներկայացուցչի կողմից փաստերի ակնհայտ խեղաթյուրումը Ադրբեջանի օրինական շահերի անտեսում է, և նման սպառնալից հռետորաբանությունը երկակի ստանդարտների վառ օրինակ է, որն էլ ավելի է սրում ԵՄ-ի և Ադրբեջանի միջև հարաբերությունները»։ Ըստ Բաքվի ներկայացուցչի՝ Բորելը «ոչ միայն ամբողջությամբ խեղաթյուրում է Ադրբեջանի նախագահի տեսակետները Ադրբեջանի և Հայաստանի տարածքների  պատմական փաստերի վերաբերյալ, այլև հրահրում է ռազմատենչ և ագրեսիվ քաղաքականություն Ադրբեջանի նկատմամբ»։

«Չնայած այն հանգամանքին, որ միջազգային հանրությունը ջանքեր չի գործադրել՝ համոզելու Հայաստանին գործել միջազգային իրավունքի նորմերին և սկզբունքներին համապատասխան, Ադրբեջանը միշտ հավատարիմ է եղել Հայաստանի հետ բանակցություններին, խաղաղությանը և կայունությանը։ Ագրեսիան և անջատողականությունը դադարեցնելու համար Ադրբեջանի ձեռնարկած միջոցները նախադրյալներ են ստեղծում Հայաստանի հետ խաղաղության պայմանագիր կնքելու համար»,- ասել է Հաջիզադեն։

«ԵՄ ներկայացուցչի համերաշխության հայտարարությունը Ֆրանսիայի հետ՝ կապված դիվանագետների արտաքսման մասով, ոչ միայն բացահայտ միջամտություն է ընթացող իրավական հետաքննությանը, այլ նաև արդարացում է Ադրբեջանից վտարված ֆրանսիացի դիվանագետների անօրինական գործողությունների համար»,- նշել է նա։ Հաջիզադեն նաև սպառնացել է, թե «Ադրբեջանը վճռականորեն կանխելու է  իր ազգային շահերին հակասող ցանկացած պնդում և սպառնացող հռետորաբանությունը օրինականացնելու փորձերը»։

Հիշեցնենք՝ Բորելը նախօրեին մամուլի ասուլիսում համերաշխություն էր հայտնել Ֆրանսիային, որի դիվանագետներին Բաքուն անհիմն մեղադրանքներով վտարել է երկրից, ու նշել, որ Ադրբեջանը պետք է վերադառնա Հայաստանի հետ առարկայական խաղաղության և կարգավորման բանակցություններին։

«Ադրբեջանի նախագահ Իլհամ Ալիևի  վերջին տարածքային պնդումները խիստ մտահոգիչ են։ Հայաստանի տարածքային ամբողջականության ցանկացած խախտում անընդունելի կլինի և ծանր հետևանքներ կունենա Ադրբեջանի հետ մեր հարաբերությունների վրա»,-հայտարարել էր Ժոզեպ Բորելը։

Էմմա Չոբանյան