24.06.2026 | 19:34
Որքա՞ն արժե ծիրանը․ գյուղացիները բերքի իրացման այլընտրանքներ են փնտրում. ՏԵՍԱՆՅՈՒԹ
Նեթանյահուն դեմ է հանդես եկել պաղեստինյան պետության ստեղծմանը
Քաղաքականություն
19.01.2024 | 15:37
Իսրայելի վարչապետ Բենիամին Նեթանյահուն ԱՄՆ-ին հայտնել է, որ դեմ է պաղեստինյան պետության ստեղծմանը՝ որպես ցանկացած կարգավորման մաս Իսրայելի ՀԱՄԱՍ-ի հետ պատերազմից հետո, գրում է VOA-ն:
Վաշինգտոնը երկար ժամանակ է՝ աջակցում է Պաղեստին պետության ստեղծմանը։
Իսրայելի աջակողմյան կառավարության ներկայացուցիչները հաճախ են արտահայտվել Իսրայելի կողքին անկախ պաղեստինյան պետության գոյակցության դեմ։ Բայց ամբողջ երկրի տարածքում հեռարձակված մամուլի ասուլիսի ժամանակ արված Նեթանյահուի հայտարարությունը, կարծես, բացահայտել է ԱՄՆ-ի հետ դիրքորոշումների ակնհայտ տարբերությունը, որը պատերազմում Իսրայելի հիմնական աջակիցն է:
Սպիտակ տան Ազգային անվտանգության խորհրդի խոսնակ Ջոն Քիրբին մեծ նշանակություն չի տվել Իսրայելի առաջնորդի հայտարարությանը։
«Սա վարչապետ Նեթանյահուի կողմից նոր արված հայտարարություն չէ։ Մենք, իհարկե, իրերն այլ կերպ ենք տեսնում»,- ասել է Քիրբին:
