06.07.2026 | 08:56
Խուզարկում են Գագիկ Ծառուկյանի տունը
Ո՞վ է մեղավոր բանակում 86 մահվան մեջ՝ 1 տարում․ ինչպես կասեցնել ոչ մարտական մահերը․ ՏԵՍԱՆՅՈՒԹ
Քաղաքականություն
17.01.2024 | 21:02
Փոխվում են պաշտպանության նախարարներ, իշխանություններ, սակայն ՀՀ Զինված ուժերում ոչ կանոնադրային հարաբերությունների պատճառով սպանությունները չեն դադարում։ Հակառակը, իրավապաշտպաններն ահազանգում են խաղաղ պայմաններում մահացության դեպքերի աճի մասին։ Ըստ նրանց՝ 2023 թվականին մահացել է 75 զինծառայող։
2024-ը նույնպես սկսվեց զինծառայողների մահերով։ Մարտական դիրքում հայտնաբերվեցին պայմանագրային զինծառայող Կարեն Կարապետյանի և Միքայել Դանիելյանի դիերը: Երկու դեպքով էլ քրեական վարույթ է նախաձեռնվել։ Երրորդ դեպքը ժամկետային զինծառայողի մահն է, ըստ պաշտոնական վարկածի՝ ձնահոսքի հետևանքով։
Ի դեպ, ուղիղ մեկ տարի առաջ այս օրերին՝ հունվարի 19-ին, Ազատ գյուղում հրդեհի հետևանքով մահացավ 15 զինծառայող։ Ինչպես այն ժամանակ, հիմա նույնպես՝ ՀՀ ռազմաքաղաքական ղեկավարությունը հրահանգել է հրամանատարական կազմին միջոցառումներ ձեռնարկել՝ դեպքերը բացառելու նպատակով։
Արդյո՞ք հանձնարարականները գործի կվերածվեն, ինչո՞ւ են շարունակվում ՀՀ Զինված ուժերում խաղաղ պայմաններում մահերը և ո՞վ է պատասխանատու։ Factor TV-ի տաղավարում հրավիրված քննարկմանը մասնակցում են «Լրագրողներ հանուն մարդու իրավունքների» ՀԿ ղեկավար, իրավապաշտպան Ժաննա Ալեքսանյանը, Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը, իրավապաշտպան Զարուհի Հովհաննիսյանը, «Ողջ մնալու արվեստ» կազմակերպության ղեկավար Վովա Վարդանովը։
Մանրամասները՝ տեսանյութում։
