07.11.2026 | 12:26
Ռուսաստանում հրթիռակոծվել է «Իսկանդեր» հրթիռների համար սարքավորումներ արտադրող գործարանը․ խոշոր հրդեհ է բռնկվել
Թուրքիայում սոցցանցերի 18 օգտատեր է ձերբակալվել՝ թուրք զինվորների կորստի մասին գրառումների համար
Քաղաքականություն
16.01.2024 | 23:30
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Թուրքիայի ոստիկանությունը ձերբակալել է սոցցանցերի 18 օգտատերերի՝ անցյալ ուրբաթ Հյուսիսային Իրաքում Քուրդիստանի աշխատավորական կուսակցության (PKK) կողմից անօրինական գործողության արդյունքում ինը թուրք զինվորականների սպանության մասին առցանց գրառումների համար։ Այս մասին հայտարարել է ներքին գործերի նախարար Ալի Երլիքայան, գրում է Turkish Minute-ը։
Նախարարը X-ում գրառմամբ հայտարարել է, որ «սոցիալական ցանցերի 170 օգտատերեր ցուցակագրվել են կա՛մ ահաբեկչությունը գովաբանելու, կա՛մ ուրբաթ տեղի ունեցած ահաբեկչության վերաբերյալ ապատեղեկատվություն տարածելու համար»։ Նա հայտնել է, որ սոցցանցերի այդ օգտատերերից 18-ը ձերբակալվել է, իսկ 19-ին ձերբակալելու ուղղությամբ աշխատանքներ են տարվում։
Երլիքայան նաև նշել է, որ սոցցանցերի օգտատերերից 133-ը գտնվում են արտերկրում, և որ նրանց դեմ դատական գործեր են հարուցվել։
Հիշեցնենք, որ թուրք ինը զինվորներ սպանվել էին, երբ ուրբաթ PKK-ի զինյալները հարձակվել էին Հյուսիսային Իրաքում գտնվող իրենց բազայի վրա, որտեղ նրանք տեղակայվել էին Թուրքիայի գործողության շրջանակում:
Դեկտեմբերին վերջին ևս Հյուսիսային Իրաքում թուրք զինվորներ էին սպանվել։ Այդ մասին լուրերից հետո սոցցանցերի որոշ օգտատերեր քննադատեցին կառավարությանը՝ զինվորների կյանքը չպաշտպանելու և Հյուսիսային Իրաքում գործողությունները շարունակելու համար։
Էմմա Չոբանյան
