25.06.2026 | 21:55
Աջապահյանը չարդարացվեց, բայց ազատվեց տնային կալանքից․ առաջին ատյանի դատավճիռը «ոչ պատշաճ» է ճանաչվել. ՏԵՍԱՆՅՈՒԹ
Ադրբեջանում մեկնարկել է նախագահական ընտրությունների նախընտրական քարոզարշավը
Քաղաքականություն
15.01.2024 | 11:26
Ադրբեջանում այսօրվանից մեկնարկել է արտահերթ նախագահական ընտրությունների թեկնածուների նախընտրական քարոզարշավը։ Տեղական լրատվամիջոցերի հաղորդմամբ՝ քարոզարշավի փուլն ավարտվելու է փետրվարի 6-ին ժամը 08:00-ի։
Նշենք, որ թեկնածուների գրանցման գործընթացն ավարտվել էր հունվարի 9-ին։
Ադրբեջանի նախագահի աթոռի համար պայքարելու է 7 թեկնածու, որոնց թվում է գործող նախագահ, իշխող «Նոր Ադրբեջան» կուսակցության թեկնածու Իլհամ Ալիևը։
Հավելենք, որ Ադրբեջանում նախագահական ընտրությունները պետք է տեղի ունենային 2025 թվականին, սակայն Իլհամ Ալիևը 2023-ի դեկտեմբերի 7-ին հրամանագիր էր ստորագրել փետրվարի 7-ին արտահերթ ընտրությունների անցկացման մասին։
Ադրբեջանում նախագահն ընտրվում է 7 տարի ժամկետով։
Էմմա Չոբանյան
