Քաղաքականություն
12.01.2024 | 14:38
ՀՀ վարչապետի աշխատակազմից տեղեկացնում են, որ վարչապետ Նիկոլ Փաշինյանի որոշմամբ Արմեն Աբազյանը նշանակվել է Ազգային անվտանգության ծառայության տնօրեն։
«Ղեկավարվելով «Հանրային ծառայության մասին» օրենքի 9-րդ հոդվածի 5-րդ մասով և «Ազգային անվտանգության մարմինների մասին» օրենքի 4.1-ին հոդվածի 2-րդ մասով՝ Արմեն Աբազյանին նշանակել ազգային անվտանգության ծառայության տնօրեն»,- ասված է որոշման մեջ։
Հիշեցնենք, որ ժամեր առաջ վարչապետի առաջարկով նախագահ Վահագն Խաչատուրյանն ազատել էր Արմեն Աբազյանին զբաղեցրած պաշտոնից։ Ազատումը օրենքի փոփոխությամբ պայմանավորված քայլ էր, քանի որ նոր փոփոխության համաձայն ԱԱԾ տնօրենին նշանակում է վարչապետը, իսկ ԱԱԾ տնօրենը և տեղակալները համարվում են հանրային պաշտոնյա։
