Քաղաքականություն
10.01.2024 | 22:30
Թուրքական Քեմեր հանգստավայրում ոստիկանությունը հետաքննում է ռուս զբոսաշրջիկի անհետացումը, ռուս դիվանագետները վերահսկում են իրավիճակը։ Այս մասին ՌԻԱ Նովոստիին հայտնել են Անթալիայում ՌԴ գլխավոր հյուպատոսությունից։
Տեղեկության համաձայն՝ ռուս կինը Թուրքիա է ժամանել 2023 թվականի դեկտեմբերի 30-ին, իսկ հունվարի 8-ին՝ իր զբոսաշրջային ուղևորության ավարտին, չի ներկայացել դեպի Մոսկվա չվերթին։
«Պարզվել է, որ նա հունվարի 4-ին դուրս է եկել զբոսնելու և հյուրանոց չի վերադարձել, այդ ժամանակից նա չի շփվում հարազատների հետ, նրա հեռախոսն այս պահին անջատված է»,- հայտնել են դիվանագիտական ներկայացուցչությունից։
Նշվում է, որ Անթալիայում Ռուսաստանի գլխավոր հյուպատոսությունը կապ է հաստատել թուրքական իրավապահ մարմինների և զբոսաշրջային ընկերության հետ, որի միջոցով նա ժամանել է Թուրքիա՝ արձակուրդի: Պաշտոնական հարցում է ուղարկվել թուրքական կողմին։
Քեմեր քաղաքի ոստիկանությունը հետաքննություն է իրականացնում։
Լրատվամիջոցին Կիրովի մարզի ՆԳՆ-ից հայտնել են, որ Թուրքիա հանգստի մեկնած տեղի բնակչուհու անհետացման հանգամանքները պարզվում են։ Նրա մայրը հաղորդում է ներկայացրել դստեր անհետ կորելու մասին։
Էմմա Չոբանյան
