12.08.2026 | 21:00
Քրեական գործեր եղել են և կլինեն հետագայում․Հակոբյանը՝ ընդդիմությանը ճնշելու հարցին ի պատասխան. ՏԵՍԱՆՅՈՒԹ
Էկվադորում բանտից հայտնի մաֆիոզի փախուստից հետո զինված հակամարտություն է սկսվել
Քաղաքականություն
10.01.2024 | 11:22
Էկվադորում առնվազն 13 մարդ անկարգությունների զոհ է դարձել, հաղորդում է Ինտերֆաքսը՝ հղում անելով էկվադորական Diario թերթին։ Ըստ լրատվամիջոցի՝ Գուայաքիլ քաղաքում 11 խաղաղ բնակիչ է սպանվել, ևս երկու ոստիկան էլ սպանվել է հարևան Նոբոլ քաղաքում։
Երկուշաբթի օրվանից մինչ այս պահը հանցավոր խմբերը տարբեր քաղաքներում 29 զինված հարձակում են իրականացրել, այդ թվում՝ հեռուստաալիքի և մի քանի հիվանդանոցների վրա։ Իրավապահները ավելի քան 40 ձերբակալություն են իրականացրել։ Հանցագործ խմբավորումների անկարգությունները սկսվել են այն բանից հետո, երբ նախագահ Դանիել Նոբոան պարետային ժամ է հայտարարել բանտից հայտնի մաֆիոզի փախուստից հետո:
Ավելի ուշ Նոբոան երկրում ստեղծված իրավիճակը որակել է որպես «ներքին զինված հակամարտություն»։ Մի շարք բանտերում պատանդ են պահվում անվտանգության հարյուրավոր աշխատակիցներ։ Էկվադորի մայրաքաղաք Կիտոյի փողոցները հսկում են զինվորականներ՝ զրահամեքենաներով։ Բանակին հրաման է տրվել չեզոքացնել տասնյակ հազարավոր մասնակիցներ ունեցող ավելի քան 20 խմբավորումների։
