23.02.2026 | 10:11
ՀՀ տարածքում ավտոճանապարհները հիմնականում անցանելի են
Լրտեսության մեջ մեղադրվող Ֆրանսիայի քաղաքացին 4 ամսով կալանավորվել է․ Փարիզում Ադրբեջանի դեսպան
Քաղաքականություն
09.01.2024 | 19:50
Ադրբեջանում Ֆրանսիայի քաղաքացի է կալանավորվել լրտեսության կասկածանքով։ Ադրբեջանական լրատվամիջոցների փոխանցմամբ՝ այս մասին AFP-ին հայտնել է Ֆրանսիայում Ադրբեջանի դեսպան Լեյլա Աբդուլլաևան։
«Ֆրանսիայի քաղաքացի Մարտին Ռայանը, որը կասկածվում է լրտեսական գործունեության մեջ, կալանավորվել է 2023 թվականի դեկտեմբերի 4-ին»,- ասել է Լեյլա Աբդուլաևան։
Նրա խոսքով՝ դատարանը նրա նկատմամբ խափանման միջոց է ընտրել կալանքը՝ չորս ամիս ժամկետով։ Ադրբեջանի դեսպանը նշել է, որ նշված անձի ձերբակալության մասին անմիջապես տեղեկացրել են Բաքվում Ֆրանսիայի դեսպանատանը։
Հավելենք, որ նախօրեին ադրբեջանական լրատվամիջոցները հայտնել էին, որ, իբր, ֆրանսիական լրտեսական ցանցի անդամներից մեկը Ֆրանսիայի քաղաքացի Մարտին Ռայանն է։ Նա Merkorama ընկերության գլխավոր տնօրենն է։ Նշվում է, թե Ռայանին, իբր, հավաքագրել են ֆրանսիական արտաքին հետախուզության երկու գործակալներ, որոնք հետագայում արտաքսվել են Բաքվից:
Մարտին Ռայանի հայրը՝ Ռիչարդը, AFP-ին ասել է, որ իր ընտանիքն արդեն խոսել է որդու հետ։
«Մենք նրա հետ զրուցել ենք չորս անգամ, յուրաքանչյուր անգամ՝ երկու րոպե: Իմ որդին ասել է, որ իրեն լավ են վերաբերվում և կապի մեջ է իր փաստաբանի հետ»,- ասել է Ռայանի հայրը:
Էմմա Չոբանյան
