08.07.2026 | 22:10
Էրդողանը կոչ է արել ՆԱՏՕ-ում պաշտպանական համագործակցությունը կառուցել առանց խոչընդոտների
Արմեն Աշոտյանի կալանքի ժամկետը երկարացվել է ևս երեք ամսով
Հասարակություն
08.01.2024 | 21:23
ՀՀԿ փոխնախագահ Արմեն Աշոտյանի գործով դատական նիստի ընթացքում այսօր պաշտպանները միջնորդել են փոխել նրա նկատմամբ ընտրված խափանման միջոց կալանավորումը: Պաշտպանական կողմը նշել է, որ առավել մեղմ խափանման միջոցներն ի զորու են ապահովել Աշոտյանի պատշաճ վարքագիծը:
Այսօր դատարանին ներկայացվել են Աշոտյանին 40 մլն դրամ գրավի դիմաց ազատ արձակելու, ինչպես նաև նրան ԱԺ պատգավորների անձնական երաշխավորությամբ ազատ արձակելու վերաբերյալ միջնորդություններ: Որպես երաշխավորներ դատարան են ներկայացել պատգամավորներ Տիգրան Աբրահամյանը, Աննա Մկրտչյանը, Գեղամ Մանուկյանը, Հայկ Մամիջանյանը, Արծվիկ Մինասյանը, Ասպրամ Կրպեյանը, Հայ ազգային կոնգրեսի փոխնախագահ Լևոն Զուրաբյանը, սակայն դատարանը մերժել է պաշտպանական կողմի միջնորդություններն ու ևս երեք ամսով երկարացրել Աշոտյանի նկատմամբ ընտրված խափանման միջոց կալանքի ժամկետը:
Հիշեցնենք, որ Արմեն Աշոտյանը «Երևանի Մխիթար Հերացու անվան պետական բժշկական համալսարան» հիմնադրամում կատարված առերևույթ չարաշահումների գործով մեղադրվում է պաշտոնեական դիրքի չարաշահման և փողերի լվացման հոդվածներով, որն առաջացրել է ծանր հետևանքներ։
Արաքս Մամուլյան
