29.04.2026 | 13:19
Արման Ծառուկյանը հայտնել է՝ ինչու չի մասնակցելու Սպիտակ տան մրցաշարին
Գազայում կորուստների թիվը գերազանցել է 23,000-ը
Քաղաքականություն
08.01.2024 | 21:30
Պաղեստինի առողջապահության նախարարությունը հայտարարել է, որ Իսրայելի և ՀԱՄԱՍ-ի միջև պատերազմի բռնկման պահից անկլավում զոհված պաղեստինցիների թիվը գերազանցել է 23,000-ը՝ հասնելով 23,084-ի։
Բացի այդ, նշվում է, որ հոկտեմբերի 7-ից հակամարտության բռնկումից ի վեր 56,926 մարդ է վիրավորվել։
Ավելի վաղ հաղորդվել էր, որ վերջին 24 ժամվա ընթացքում Իսրայելի կողմից 73 պաղեստինցի է զոհվել։
Միևնույն ժամանակ, Իսրայելի պաշտպանության բանակը հայտնել է նոր հարձակումների մասին Գազայի հատվածի հարավում և Լիբանանի հետ սահմանի երկայնքով։ Մասնավորապես, իսրայելցի զինվորականները հարձակվել են լիբանանյան տարածքում գտնվող «Հըզբոլլահ»-ի մի շարք օբյեկտների վրա:
Ըստ Al-Jazeera-ի՝ հարվածներից մեկի արդյունքում սպանվել է «Հըզբոլլահ»-ի բարձրաստիճան հրամանատարը, որը ղեկավարել է էլիտար ալ-Ռիդվան ջոկատը։
Էմմա Չոբանյան
