07.10.2026 | 11:52
Կոստանյանը ներկայացրել է ենթակառուցվածքների ապաշրջափակմամբ ստեղծվող տնտեսական հնարավորությունները
Իսրայելի նախագահը վստահեցրել է, որ Գազայի հատվածից պաղեստինցիների վտարման հարց չի դիտարկվում
Քաղաքականություն
08.01.2024 | 18:36
Գազայի հատվածից պաղեստինցիներին վտարելու հարցը իշխանությունների պաշտոնական դիրքորոշումը չէ, չնայած այն հանգամանքին, որ նախկինում վարչապետ Բենիամին Նեթանյահուի կառավարության առանձին անդամներ նման կոչեր էին անում։ Այս մասին հայտարարել է Իսրայելի նախագահ Իցհակ Հերցոգը, փոխանցում է Politico-ն։
«Ես ուղղակիորեն, պաշտոնապես և միանշանակ ասում եմ, որ դա Իսրայելի դիրքորոշումը չէ»,- ասել է Հերցոգը՝ հավելելով, որ «նախարարը կարող է ասել այն, ինչ ուզում է»։
Հոկտեմբերի 7-ին Իսրայելի վրա ՀԱՄԱՍ-ի հարձակումից հետո, որը հանգեցրեց Իսրայելի ներխուժմանը Գազայի հատված, երկու կողմերի ընդհանուր զոհերը գերազանցել են 24,000-ը: Նրանց մեծ մասը մահացել է Գազայում։
Լրատվամիջոցը նշում է, որ նույնիսկ այն ժամանակ, երբ դադարեն մարտերը Գազայում, անհասկանալի է, թե ինչ ապագա է սպասվում Գազայի հատվածին։
Իսրայելի կառավարությունը ենթադրում է, որ Պաղեստինի բնակչության զգալի մասի տեղափոխումը Գազայից կարող է լինել լուծման մի մասը:
