15.12.2025 | 17:35
ԿԳՄՍՆ ենթակայության 18 մասնաճյուղ-թանգարաններ կմիանան Էլեկտրոնային տոմսերի միասնական ավտոմատացված համակարգին
Գերմանիայում ֆերմերները տրակտորներով փողոցներ են դուրս եկել՝ բողոքի ակցիայի
Քաղաքականություն
08.01.2024 | 19:19
Գերմանիայում հունվարի 8-ին լայնամասշտաբ գործադուլներ են սկսվել, որոնք կարող են հանգեցնել տրանսպորտային կոլապսի։ Ֆերմերները սկսել են փակել ճանապարհներն ու մայրուղիներն ամբողջ երկրում, հայտնում է տեղական Focus պարբերականը։
Տասնյակ հազարավոր ֆերմերներ տրակտորներով դուրս են եկել փողոցներ՝ բողոքելով գյուղատնտեսական դիզելային վառելիքի սուբսիդավորման և տրանսպորտի հարկի կրճատման դեմ:
Ֆերմերների ասոցիացիան ծրագրել է բողոքի ցույցեր, որոնք կտևեն մինչև հունվարի 15-ը և պետք է ավարտվեն Բեռլինում հանրահավաքով։
Շատ քաղաքներում ֆերմերներն իրենց տեխնիկայով փողոց են դուրս գալիս։ Մյունխենում ոստիկաններն ուղեկցել են 5,500 տրակտորներից կազմված շարասյանը, որոնք շարժվել են դեպի քաղաքի կենտրոն։ Բեռլինի Բրանդենբուրգյան դարպասից ոչ հեռու շուրջ 450 տրակտոր է հավաքվել։
Մի շարք բնակավայրերում թաղամասերի մուտքերն արգելափակված են, վարորդներին զգուշացնում են, որ անհնար է տեղաշարժվել։ Բացի այդ, բազմաթիվ երեխաներ չեն կարողացել դպրոց հասնել։
